BolgeXeber.Com » Xəbərlər » Bakıya güclü yağış yağdı: paytaxt gecəyədək tıxaclarda qaldı – FOTO, VİDEO

Bakıya güclü yağış yağdı: paytaxt gecəyədək tıxaclarda qaldı – FOTO, VİDEO

29-09-2016, 09:13

Oxunub: 5 761

Sentyabrın 28-də axşam saatlarından başlayaraq Bakıya güclü yağış yağır

Yağış nəticəsində paytaxtın bəzi ərazilərində fərdi yaşayış evlərinin həyətyanı sahələri, küçə və prospektlər yağış suları ilə dolub, nəqliyyatın hərəkətində məhdudiyyət yaranıb.
Yağış iş saatının sonunda gücləndiyindən yollarda uzun tıxaclar yaranıb, bəzi maşınlar suda batıb. Xüsusilə, Ziya Bünyadov prospektində yolun hərəkət hissəsini su basdığından, prospektdə hərəkət bir neçə saat tam dayanıb.
Bakı Beynəlxalq Avtovağzalının yeraltı dayanacağını da su basıb.
Yağışların törətdiyi fəsadların aradan qaldırılması üçün Fövqəladə Hallar Nazirliyinin Xüsusi Riskli Xilasetmə Xidməti və Dövlət Yanğından Mühafizə Xidmətinin canlı qüvvə və texnikası cəlb olunub. Maşınlarda köməksiz qalan insanlar xilas edilib, küçə və prospektlərdən su çəkilib.
Gecə saatlarında Bakının bütün küçə və prospektlərində nəqliyyatın hərəkəti bərpa olunub.

Çox Oxunanlar