Bizimlə əlaqə | Reklam
BolgeXeber.Com » Xəbərlər » “Deputatın dediyi böhtandır...” - Depozitlərin 0.78-lə qaytarılmasına rəsmi reaksiya

“Deputatın dediyi böhtandır...” - Depozitlərin 0.78-lə qaytarılmasına rəsmi reaksiya

24-10-2016, 14:53
Oxunub: 2 872 “Deputatın dediyi böhtandır...” - Depozitlərin 0.78-lə qaytarılmasına rəsmi reaksiyaƏmanətlərin Sığortalanması Fondunun icraçı direktoru Azad Cavadov ləğv edilmiş “ Bank Standard”da əmanətlərin 0,78 məzənnəsi ilə qaytarılması ilə bağlı yayılan məlumatlara münasibət bildirib

A. Cavadov “Qafqazinfo” ya açıqlamasında qeyd edib ki, “Əmanətlərin sığortalanması haqqında” qanunun 27- ci maddəsinə əsasən əmanətlər sığorta hadisəsi baş verdiyi günə Mərkəzi Bankın müvafiq valyutalar üzrə müəyyən etdiyi rəsmi məzənnələr əsasında hesablanmış çarpaz məzənnə üzrə hesablanır və ödənilir: “Bank Standard” da sığorta hadisəsi də oktyabrın 4-də baş verib. Həmin gün məzənnə 1.6115 olub. Necə ola bilər ki, 0,78 məzənnəsi ilə qaytarılsın. Qanun var, belə şeyin olması qeyri- mümkündür. Biz hər hər gün nə qədər əmanətçinin əmanətini qaytarırıq. Heç kimin başına belə hadisə gəlməyib. Bir tək Gülər Əhmədovanınmı başına gəldi bu? Gülər Əhmədova özü deputat olduğu dövrdə, həmçinin Vahid Əhmədov da bu qanuna səs veriblər. Bunlar böhtandır, absurddur. Qanunu açıb oxumaq lazımdır, onun maddəsini kim poza bilər ki? Mən bu problem mətbutada işıqlandırılandan sonra Vahid Əhmədovun özü ilə də danışdım. Ola bilər ki, jurnalistlər yanlış başa düşüb. Millət vəkili özü səs verdiyi qanunla bağlı belə bir şey deyə bilməz”.

Xatırladaq ki, Milli Məclisin İqtisadi siyasət, sənaye və sahibkarlıq komitəsinin ötən həftə keçirilən iclasında millət vəkili Vahid Əhmədov qeyd edib ki, keçmiş millət vəkili Gülər Əhmədovanın ləğv edilmiş “Bank Standard”a qoyduğu 27 min ABŞ dolları məbləğindəki depozitini 0,78 məzənnəsi ilə qaytarmaq istəyirlər.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]