“Azəraqrartikinti” də dövlət vəsaiti belə “yeyilib”: 1400000-dən 838000
24-11-2016, 10:44
Oxunub: 2 801
Ağalar Vəliyev filial müdirini 242000 manat borca salıb(?)Redaksiyamıza “Azəraqrartikinti” ASC-nin Biləsuvar filialının müdiri Quliyev Dilavər Həbib oğlunun Azərbaycan Respublikasının Prezidenti cənab İlham Əliyevə və Maliyyə naziri cənab Samir Şərifova ünvanlanmış müraciətinin surəti daxil olub. Müəllif müraciətində “Azəraqrartikinti” ASC-nin rəhbərliyi tərəfindən qarşılaşdığı haqsızlıqdan, dövlət vəsaitinin mənimsənilməsindən və bu səbəbdən də 242000 manat borca düşməsindən bəhs edir.
Müraciətlə bağlı “Azəraqrartikinti” ASC-nin rəhbərliyinin mövqeyini öyrənmək istəsək də alınmadı. Xeberinfo.com-a “danışan” hörmətli Ağalar Vəliyevin köməkçisi Səmayel müəllim (Soy adını demədi.) gözlənilmədən təhqir və təhdidlə bu işin prokurorluqda araşdırıldığını bildirdi. Ardınca da bizə əxlaq dərsi keçməyə çalışdı(?) Olsun, biz qarşıdakı günlərdə aidiyyatı dövlət orqanlarına müraciət etməklə mövzunu davam etdirəcəyik. Hələlik isə müraciəti olduğu kimi dərc edirik:
“Bildirirəm ki, rəhbəri olduğum “Azəraqrartikinti” ASC-nin Biləsuvar filialına ASC-nin göstərişi ilə Biləsuvarda Kənd Təsərrüfatı Nazirliyinin inzibati – laboratoriya binasının tikintisinin inşa edilməsi tapşırılmışdır.
Həmin binanın tikintisinə bizim filial tərəfindən 2014-cü ilin avqust ayından başlanılmış, 2016-cı ilin sentyabr ayında isə tam şəkildə başa çatdırılmışdır. Smeta-layihə üzrə nəzərdə tutulmuş işlər keyfiyyətlə tam başa çatdırılmışdır. Sözügedən binanın tikintisinə smeta-layihə sənədlərində ƏDV-siz 1 milyon 400 min manat dövlət büdcəsindən vəsait ayrılmışdır.
Həmin binanın tikintisinə filialımız tərəfindən 802 000 manat vəsait xərclənmişdir. ”Azəraqrartikinti” ASC tərəfindən tikinti başlayandan sona çatana qədər cəmi 562000 manat vəsait ödənilmişdir. Qalan 242000 manat vəsaiti dəfələrlə şifahi və yazılı müraciət etməyimizə baxmayaraq ASC-i tərəfindən ödənilmir.
Möhtərəm Prezident qalan vəsaitin ödənilməsi ilə əlaqədar olaraq “Azəraqrartikinti” ASC-nin idarə heyətinin sədri Bayram Heydərova və Kənd Təsərrüfatı Naziri cənab Heydər Əsədova çoxsaylı müraciətlərimizdən sonra məlum olmuşdur ki, Kənd Təsərrüfatı Nazirliyi tərəfindən smetada nəzərdə tutulmuş vəsait “Azəraqrartikinti” ASC-yə tam ödənilmişdir.
Möhtərəm Prezident ödənilməyən 242000 manat vəsaitə görə bizim filialın da vətəndaşlara və müxtəlif tikinti dükanlarına borcumuz ödənilmədən qalır. Bu da böyük narazılıqlara səbəb olur.
Bu məsələnin araşdırılaraq ödənilməyən qalan 242000 manat vəsaitin “Azəraqrartikinti” ASC-nin Biləsuvar filialına ödənilməsinə kömək etməyinizi xahiş edirəm”.(Xeberinfo.com)
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 2-06-2025, 09:58 : Prezident İlham Əliyevin 28 May 2025-ci il tarixində Laçın şəhərinə səfəri – Müstəqilliyin və Qələbənin rəmzi
Analitika / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 3-06-2025, 11:27 : Bakı Enerji Həftəsi
Analitika / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
