BolgeXeber.Com » Xəbərlər » Bakıda körpüdə dayanan bu şəxs sürücüləri güdüb polisə xəbər verir – FOTO

Bakıda körpüdə dayanan bu şəxs sürücüləri güdüb polisə xəbər verir – FOTO

29-11-2016, 17:34

Oxunub: 2 592

Sosial şəbəkələrdə yayılan fotolar və məlumat sürücülər arasında çaşqınlıq yaradıb

Avtosfer.az xəbər verir ki, Bakıda körpülərin birinin üstündə dayanan mülki şəxs körpüdən çıxan avtomobilləri izləyir, qayda pozanların nömrəsini qarşıda dayanmış yol polisinə ötürür və həmin avtomobil saxlanılır. Sürücüyə “avtoş” damğası vurulandan sonra maşın cərimə meydançasına aparılır. Lakin sürücülərin əksəriyyəti fakt, görüntü tələb etdikdə yol polisləri onları buraxır.

Feysbukda “9192” adlı səhifədə yayılan bu məlumatı Cavid İsmayılov adlı şəxs paylaşıb. Həmin məlumata yazılan şərhlərdə onlarla sürücü bunun həqiqət olduğunu və onların da başına belə hadisənin gəldiyini yazıb. Qeyd ediblər ki, onları əsasən DYP əməkdaşları saxlayırlar. Avtosfer.az yazını olduğu kimi təqdim edir: “Artıq bir neçə aydır şəhərdən üzü “Koroğlu” metrosu istiqamətində gedəndə Ziya Bünyadov (Dərnəgül şosesi) prospektində tunelin çıxışında yuxarı tərəfdə bir gənc durub avtomobilləri izləyir. Uzun müşahidələrimdən sonra məlum olub ki, bu gənc oradan baxır və düzgün manevr etməyən, azca sürətlə ötmə əməliyyatı edən şəxslərin nömrəsini YPX əməkdaşlarına verir. Onlar da qarşıda maşını saxlayıb avtoxuliqanlıqda günahlandırırlar. Görüntü tələb etdikdə təqdim edə bilmirlər və sürücüləri dəvət edirlər “rəislə” aydınlaşdırmağa. Bu adla maşını cərimə meydançasına salırlar və külli miqdarda pul tələb edirlər. Bu şəxs əsasən pik saatlarda orada dayanır”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]