Bizimlə əlaqə | Reklam
BolgeXeber.Com » Xəbərlər » 6 yaşlı uşaq mollanı məscidə necə aparsın? - MƏKTƏBLƏRDƏ BİABIRÇILIQ

6 yaşlı uşaq mollanı məscidə necə aparsın? - MƏKTƏBLƏRDƏ BİABIRÇILIQ

30-11-2016, 10:48
Oxunub: 3 027 6 yaşlı uşaq mollanı məscidə necə aparsın? - MƏKTƏBLƏRDƏ BİABIRÇILIQAzərbaycan məktəblərində birinci sinif şagirdlərinə verilən iş dəftərlərində dini təbliğat materialları yer alır

Bu barədə Lent.az-a övladı birinci sinfə gedən valideynlər məlumat verib. İş dəftərindəki tapşırıqdan məlum olur ki, azyaşlı şagirdlərə tapşırılan məsələdə dini təbliğat sayıla biləcək ifadələr yer alır. Məsələdə birinci sinif şagirdinə mollanı labirintlə məscidə aparmaq tapşırılır. Molla labirintdən məscidə doğru yolla aparıldıqda isə cümlə oxunur.

Məsələ ilə bağlı Lent.az-a danışan Təhsil Nazirliyinin tədris resursları şöbəsinin müdiri Elvin Rüstəmov bildirib ki, nazirlik məktəblərdə birinci siniflərə tədris olunan iş dəftərlərinin məzmununa cavabdehlik daşımır. Şöbə rəisinin sözlərinə görə, şagirdlərə tapşırıqların verilməsi müəllimlərin səlahiyyətində olan məsələdir: “Tədris vəsaitləri olaraq müxtəlif nəşrlər iş dəftərləri çap edirlər. Müəllimlər bu materiallardan və ya internet resurslarından istifadə edərək şagirdlərə tapşırıq verə bilir”.

Belə tapşırıqların dini təbliğatı ehtiva edib-etmədiyi barədə məqama da toxunan E.Rüstəmov deyib ki, əgər ortada hansısa sui-istifadə və ya qanunsuzluq varsa, bu araşdırılmalıdır: “Lakin konkret olaraq Təhsil Nazirliyinin tədris resursları şöbəsi məktəblərdə tədris edilən iş dəftərlərinin məzmunu ilə bağlı cavabdehlik daşımır. Bu, müəllimlərin səlahiyyətində olan məsələdir”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]