BolgeXeber.Com » Xəbərlər » Azərbaycanda 6 vəzifəli şəxs rüşvət alarkən tutuldu

Azərbaycanda 6 vəzifəli şəxs rüşvət alarkən tutuldu

16-01-2017, 10:59

Oxunub: 2 685

Ötən il korrupsiya cinayəti törədən 6 şəxs cinayət başında yaxalanıb. Həmçinin Baş Prokuror yanında Korrupsiyaya Qarşı Mübarizə Baş İdarəsinin əməliyyat qurumları tərəfindən aparılan araşdırmalar üzrə 32 cinayət işi başlanıb

Keçən il dövlət və özəl sektorda çalışan 313 vəzifəli şəxs barəsində 201 cinayət işi baxılması üçün məhkəmələrə göndərilib.

Bolgexeber.com bildirir ki, bu barədə Baş Prokuror yanında Korrupsiyaya Qarşı Mübarizə Baş İdarəsinin 2016-cı il ərzində korrupsiyaya qarşı mübarizə sahəsində görülmüş işlərlə bağlı KİV və qeyri-hökumət təşkilatları nümayəndələrinin iştirakı ilə keçirilən mətbuat konfransında məlumat verilib.

Baş prokurorun müavini, Baş Prokuror yanında Korrupsiyaya Qarşı Mübarizə Baş İdarəsinin rəisi Kamran Əliyev ötən ilin ölkəmizdə digər istiqamətlərdə olduğu kimi, korrupsiyaya qarşı mübarizə sahəsində də mühüm nailiyyətlərin əldə olunduğunu bildirib.

Ötən il korrupsiyaya qarşı mübarizə, məhkəmə-hüquq sahəsində qanunvericilik bazasının təkmilləşdirilməsi istiqamətində görülən tədbirlərdən danışan K.Əliyev bildirib ki, "Korrupsiyaya qarşı mübarizə haqqında" Qanunda edilmiş dəyişikliyə əsasən, bütün mərkəzi icra orqanlarında korrupsiyaya qarşı mübarizə üzrə müvafiq qurumlar yaradılması nəzərdə tutulur.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]