BolgeXeber.Com » Xəbərlər » AAAF Park rəhbərliyindən narazı vətəndaşa "ağıllı məsləhət" - "Problemi mətbuata danışmayın, bizə deyin"
AAAF Park rəhbərliyindən narazı vətəndaşa "ağıllı məsləhət" - "Problemi mətbuata danışmayın, bizə deyin"
20-01-2017, 09:38
Oxunub: 2 470
“Bir ətək pul verib mənzil almışıq. İki aydır adı var ki, təzə mənzilə köçmüşük, ancaq bircə gün də içərisində yaşaya bilməmişik”
Eldar Mehdiyev danışır ki, bir müddət öncə AAAF Park-ın Xırdalanda inşa etdiyi yaşayış kompleksindən mənzil alıb. 12-ci küçədəki 6-cı binanın mansardında yerləşən 36-cı mənzili başdan ayağa təmir etdirib, içərisinə təzə mebellər də yığdırıb. Ancaq düz iki aydır ki, ailəsini bu təzə mənzilə yox, yaxın qohumunun evinə yığıb.
Səbəbindən özü danışır: “Dedilər, ‘mansarda təhlükəsizlik baxımından qaz verilmir, ancaq tezliklə qazanxana olacaq, binalarda kombi sistemi quraşdırılacaq’. Bu söhbət elə də qaldı. İşıq ən zəif fazada verilir. Lift işləmir, adamlar yuxarı mərtəbələrə düşüb-çıxmaqdan birtəhər olub. Bütün ailələr narazıdır”.
“Düzdür, yaşayış kompleksinin ərazisi çox rahatdır, istirahət yeri, uşaq bağçası... Ancaq binalarda hələ də rahatlıq yoxdur. Qaz xətləri çəkilməyib, son üç ayda 500 manatdan çox işıqpulu ödəmişəm. Ancaq onu da deyim ki, bu qədər işıqpulu ödəməyimizə baxmayaraq, yenə də soyuqdan donuruq. Elektrik qızdırıcıları istilik sisteminin yerini vermir”.
Sakinlərin deməsinə görə, AAAF Park rəhbərliyinə müraciətləri cavabsız qalır.
AAAF İnşaat MMC-dən azadliq.org-a bildirilib ki, sakinlərin şikayətləri araşdırılarkən, liftdən narazılıq olunan binalardakı yuxarı mərtəbələrdə məskunlaşmanın az olduğu üzə çıxıb. Yaşayış kompleksinin istilik sistemi yaxın vaxtlarda tam şəkildə həllini tapacaq. “Kimin nə narazılığı var, şirkətin rəhbərliyi hər zaman dinləməyə hazırdır, buyursunlar, mətbuata yox, problemlərini bizə danışsınlar”, – şirkətdən bildirilib.
Çox Oxunanlar
- 27-04-2024, 18:58 : Bakı metrosunda ölüm baş verib
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 11-05-2024, 17:48 : Bakıda daha bir YENİLİK
Xəbərlər / Ölkə
- 20-04-2024, 15:57 : Cavanşir Məmmədovla vida mərasimi keçirilir
Şou-Biznes
- 4-05-2024, 17:28 : XİN rəsmi məlumat yaydı
Siyasət / Xəbərlər
- 1-05-2024, 17:35 : Ermənistanda yeniyetmə minaya düşdü
Dünya / Xəbərlər
- 27-04-2024, 17:55 : Şeytan çarxı fəaliyyətini dayandırıb?
Xəbərlər / Ölkə
- 30-04-2024, 14:11 : “Qarabağ” - “Neftçi” oyununun stadionu dəyişdirilib
İdman
- 19-04-2024, 17:23 : Xınalığa dolu düşüb
Bölgə
- 6-05-2024, 14:39 : Ölkəmiz regionda bir çox regional və qlobal təşəbbüslərin müəllifidir
Analitika / Xəbərlər