BolgeXeber.Com » Xəbərlər » Tərtərdə N saylı hərbi hissədə Novruz şənliyi-FOTOLAR

Tərtərdə N saylı hərbi hissədə Novruz şənliyi-FOTOLAR

15-03-2017, 14:43

Oxunub: 3 669

Tərtər Rayon İcra Hakimiyyəti Azərbaycan İslam Həmrəyliyi Oyunları Əməliyyat Komitəsi ilə birgə rayonun ərazisində yerləşən N saylı hərbi hissədə Novruz şənliyi keçirmişdir

Bolgexeber.com xəbər verir ki,tədbirə rayonun hüquq-mühafizə orqanları, Azərbaycan İslam Həmrəyliyi Oyunları Əməliyyat Komitəsinin işçi heyəti, yerli icra nümayəndələri, bələdiyyə sədrləri, ərazidə yerləşən məktəblərin pedaqoji kollektivi, yuxarı sinif şagirdləri və rayon ictimaiyyətinin nümayəndələri də qatılmışlar.
Əvvəlcə tədbir iştirakçıları torpaqlarımızın azadlığı uğrunda həlak olmuş şəhidlərin xatirəsini bir dəqiqəlik sükutla yad etmişlər, sonra dövlət himni səslənmişdir. Öncə rayon icra hakimiyyətinin başçısı Müstəqim Məmmədov qonaqları, əsgər və zabit heyətini salamlamış, onları xalqımızın milli bayramı olan Novruz münasibəti ilə təbrik etmiş, xidmətdə uğurlar arzulamış, tezliklə novruz tonqallarının işğaldan azad edilmiş torpaqlarımızda çatılmasını diləmişdir. Rayon rəhbəri müasir Milli Ordumuzu çağdaş Azərbaycanın qurucusu, xalqımızın umummilli lideri Heydər Əliyevin şah əsərindən biri adlandırmışdır. O, öz çıxışında respublika prezidenti cənab İlham Əliyevin ordu quruculuğuna göstərdiyi diqqət və qayğını xüsusi qeyd etmişdir. Ali Baş Komandan cənab İlham Əliyevin rəhbərliyi ilə günbəgün güclənən Azərbaycan Ordusunun dövlətin keşiyində ayıq-sayıq dayanaraq öz müqəddəs missiyasını yerinə yetirdiyini bildirmişdir. Qeyd etmişdir ki, düşmənlə 48 km təmas xətti olan cəbhə bölgəsində hərbi xidmət keçməyin məsuliyyət yükü daha böyükdür. Respublikamızda, eləcə də rayonumuzda ordunun arxasında xalq, xalqın arxasında isə ordu dayanır. Bu birlik nəticəsində qəhraman tərtərlilər düşmənə bir qarış da torpaq verməmişlər.
Sonra N saylı hərbi hissənin komandiri və İslam Həmrəyliyi Oyunları Əməliyyat Komitəsinin könüllülərlə kommunikasiya üzrə baş meniceri Əfsun Qurbanov da çıxış edərək hərbçiləri bayram münasibəti ilə təbrik etmişlər.
Rayon rəhbəri qonaqlar və hərbçilərlə birlikdə bayram tonqalını yandırmış, hamı birlikdə tonqal ətrafında yallı getmiş, bayram tədbiri gözəl musiqi nömrələri, kəndirbazların rəqsi ilə davam etmişdir.
Tədbirin sonunda Tərtər Rayon İcra Hakimiyyəti və İslam Həmrəyliyi Oyunları Əməliyyat Komitəsi tərəfindən hərbçilərə Fəxri Fərmanlar, qiymətli hədiyyələr bayram sovqatları təqdim olunmuşdur.
Tədbirdən sonra hamı əsgərlərlə birlikdə bayram süfrəsi arxasına əyləşmişdir.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]