BolgeXeber.Com » Xəbərlər » Bərdədə ”Milli-mənəvi dəyərlərimiz və Novruz adət-ənənələri” mövzusunda disput keçirilmişdir

Bərdədə ”Milli-mənəvi dəyərlərimiz və Novruz adət-ənənələri” mövzusunda disput keçirilmişdir

15-03-2017, 21:20

Oxunub: 2 740

15 mart 2017-ci il tarixdə Bərdə Rayon Gənclər və İdman İdarəsində ”Milli-mənəvi dəyərlərimiz və Novruz adət-ənənələri” mövzusunda yeniyetmə və gənclərin iştirakı ilə disput keçirilmişdir

Tədbiri giriş sözü ilə Bərdə Rayon Gənclər və İdman İdarəsinin baş məsləhətçisi Aydın Qasımov açaraq gəncləri qarşıdan gələn Novruz bayramı münasibəti ilə təbrik etdi və qeyd etdi ki, hələ müstəqilliyimizin ilk günlərindən milli-mənəvi dəyərlərə münasibət kökündən dəyişmiş, ateizm buxovları qırıldığı üçün xalqın keçmişinə ,milli adət-ənənələrinə ,dininə dövlət səviyyəsində hörmət göstərilməyə başlamış, bu dəyişikliyin fonunda həmdə ölkədə etiqad, inanc azadlığı tam bərqərar olmuşdu. Milli-mənəvi dəyərlərə münasibətin bu şəkildə dəyişməsi insanlarımızın milli və dini mənsubiyyətlərinin fərqinə varmalarına, tarixi keçmişlərinə, babaların maddi və mənəvi miraslarına sahib çıxmalarına böyük zəmin yaratmışdı.Bu baxımdan müstəqilliyimizi bərpa etdikdən sonrakı dövrü milli-mənəvi dəyərlərə qayıdış kimi xarakterizə etmək daha doğru olardı. Məhz ümummilli liderimiz Heydər Əliyev ikinci dəfə hakimiyyətə qayıtdıqdan sonra ölkəmizdə milli-mənəvi dəyərlərimizə münasibət köklü sürətdə dəyişmişdir. Ulu öndər Novruz bayramını xalqımızı tarixən bütövləşdirən, onun varlığını birlik, böyüklük və yaşam gücü ilə qidalandıran fenomen kimi qiymətləndirmiş və bu bayramı milli ideologiyamızın ana sütunu kimi əbədiləşdirmişdir.
Gənclərdən Nəsibə Kərimova, Emin Rəhimli, Rəna Məmmədova, Röyal Əliyev, Sabir Sabirli və başqaları əsrlər boyu inkişaf etmiş dünya sivilizasiyasının möhkəm təhsil, elm və yüksək tərbiyə üzərində qurulduğundan, gənclərimizin dünya elminin,dünya mədəniyyətinin əldə etdiyi dəyərləri mənimsəmələrindən və hər bir azərbaycanlı gəncin öz vətəninin və millətinin tarixini, adət-ənənələrini, milli-mənəvi dəyərlərini dərindən öyrənib bilməsinin əhəmiyyətindən danışdılar.
Tədbirə Gənclər və İdman İdarəsinin baş məsləhətçisi Aydın Qasımov yekun vuraraq bildirdi ki, “Gənclər siyasəti haqqında” Azərbaycan Respublikasının Qanununda gənclərin vətənpərvərlik, azərbaycançılıq, dövlətçilik, dünyəvilik prinsipləri əsasında Azərbaycan xalqının tarixinə, mədəni irsinə, adət-ənənələrinə, dövlət dilinə və rəmzlərinə, milli-mənəvi və ümumbəşəri dəyərlərə hörmət ruhunda tərbiyə olunması əsas prinsiplər kimi müəyyənləşdirilmişdir. İnanırıq ki, Azərbaycanın ictimai-siyasi həyatında fəal iştirak edən gənclərimiz Vətənimizin tərəqqisi naminə üzərinə düşən vəzifələri bundan sonra da şərəflə yerinə yetirəcəklər.
Rəsmi hissədən sonra idarənin könüllüləri İbrahim Abbasov, Qurban Hümbətov, Rauf Həmidov, Nahid Məmmədov və İsmayıl Hümbətov hazırladıqları musiqi proqramını təqdim etdilər.
Bolgexeber.com

Çox Oxunanlar