BolgeXeber.Com » Xəbərlər » Əsgərlərə Novruz sovqatı aparıldı - FOTOLAR

Əsgərlərə Novruz sovqatı aparıldı - FOTOLAR

16-03-2017, 16:51

Oxunub: 6 190

Novruz bayramı münasibətilə Tərtər Rayon İcra Hakimiyyəti Azərbaycan Respublikasının Hərbi Prokurorluğu ilə birgə N saylı hərbi hissədə bayram tədbiri keçirmişdir

Bolgexeber.com xəbər verir ki, tədbir iştirakçıları əvvəlcə torpaqlarımızın azadlığı uğrunda canından keçmiş şəhidlərin ruhunu bir dəqiqəlik sükutla yad etmiş, sonra əsgər və zabitlərlə birlikdə Azərbaycan Respublikasının himnini oxumuşlar.

Bayram tədbirini giriş sözü ilə açan hərbi hissə komandirinin müavini polkovnik leytenant Babək Səmitli ilk sözü Azərbaycan Respublikası Hərbi Prokurorluğunun Ağır cinayətlərə dair işlər üzrə istintaq idarəsinin rəisi Mehdi Hüseyinzadəyə verdi. M.Hüseyinzadə hərbçilərə respublika hərbi prokuroru Xanlar Vəliyevin təbrikini çatdırdı. Sonra Vətən Müharibəsi Veteranları İctimai Birliyinin rayon şöbəsinin sədri Nizami Heydərov çıxış edərək əsgər və zabitləri Novruz bayramı münasibəti ilə təbrik etmiş, öz ürək sözlərini bildirmişdir.

Təbriklərə qoşulan Tərtər Rayon İcra Hakimiyyətinin başçısı Müstəqim Məmmədov xalqımızın əziz bayramı olan Novruz münasibətilə hərbiçləri təbrik etmiş, çətin və şərəfli işlərində onlara müvəffəqiyyətlər arzulamışdır. Bildirmişdir ki, bu gün cənab Prezident, Ali Baş Komandan İlham Əliyevin rəhbərliyi ilə Azərbaycanda müasir hərbi texnika ilə təchiz edilmiş, yüksək döyüş ruhu ilə seçilən, düşmənə sarsıdıcı zərbə vurmağa qadir olan ordu formalaşıb. Bu, bizdə işğal altındakı torpaqlarımızın tezliklə azad ediləcəyinə və növbəti Novruz tonqallarının doğma Qarabağımızda alovlandırılacağına, Azərbaycanın üçrəngli bayrağının işğal altında olan torpaqlarımızda dalğalanacağına böyük inam yaradıb.

Tədbirin sonunda Respublika Hərbi Prokurorluğu və Tərtər Rayon İcra Hakimiyyəti tərəfindən xidmətdə fərqlənən əsgər və zabitlərə qiymətli hədiyyələr və bayram sovqatı verilmişdir.

Sonra rayon mədəniyyət mərkəzinin özfəaliyyət kollektivi əsgərlər qarşısında konsert proqramı ilə çıxış etmişdir.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]