Bizimlə əlaqə | Reklam
BolgeXeber.Com » Xəbərlər » Kriminal avtoritetlər azərbaycanlı aşığı girov götürdü - “Tapançanı başıma dirəyib...”

Kriminal avtoritetlər azərbaycanlı aşığı girov götürdü - “Tapançanı başıma dirəyib...”

16-05-2017, 11:19
Oxunub: 2 901 Kriminal avtoritetlər azərbaycanlı aşığı girov götürdü - “Tapançanı başıma dirəyib...”Sazı başı üzərində fırladaraq ifa edən Aşıq Mübarizin başına iş gəlib

Bolgexeber.com yeniçağ.az-a istinadən xəbər verir ki, Odessada toyda olan aşıq sazı fırladarkən məclisdəki kişilərdən birini vurub. Daha sonra o, vurduğu kişinin qohumları olan "vor-zakonlar” tərəfindən girov götürülüb.

Aşıq başına gələnlərlə bağlı bunları danışıb: "Bu barədə nə tez xəbər tutdunuz? Özüm hələ o günün dəhşətindən ayılmamışam. Şənbə günü toyda idim, sazı başımda fırladanda yanımdakı kişiyə dəydi. Arxada dayandığı üçün onu görməmişdim. Kişi ağridan huşunu itirdi. Tez onu məclisdən çıxarıb, təcili yardım maşını çağırdılar.

Ev yiyəsinin qohumu idi, həkim gələnə qədər onu özünə gətirə bilmədilər. Bir də gördüm ki, kişinin "vor-zakon” qohumları məni dartıb, direktorun otağına apardılar. Stulda oturdub, tapançanı başıma dirədilər. Dedilər, kişi özünə gəlməsə, qanın getdi. Allaha yalvardım ki, İlahi, möcüzə yarat, qürbətdə bunların əlində ölməyim. Allah üzümə baxdı, kişi özünə gəldi. Qorxudan ayaqlarım tutulmuşdu. Keçirdiyim o stresdən sonra necə özümə gələcəm, bilmirəm”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]