BolgeXeber.Com » Xəbərlər » Azərbaycanlı modelin olduğu yaxta aşdı: meyiti Bilgəhdə tapılıb(yenilənib)

Azərbaycanlı modelin olduğu yaxta aşdı: meyiti Bilgəhdə tapılıb(yenilənib)

29-06-2017, 17:23

Oxunub: 4 534 Azərbaycanlı modelin olduğu yaxta aşdı: meyiti Bilgəhdə tapılıb(yenilənib)

“Miss Lafarella” insternet müsabiqəsinin iştirakçısı Günel Mirzəyeva faciəvi şəkildə dünyasını dəyişib

Sabunçu rayon Polis İdarəsinin 14-cü Polis Bölməsindən Sputnik.az saytına verilən məlumata görə, Günel Mirzəyevanın cəsədi Bilgəh çiməriyindən tapılıb. Cəsəd hələlik mərhumun yaxınlarına təhvil verilməyib.

İlkin məlumatlara görə, G.Mirzəyeva dostları ilə birgə yaxtada dincəlməyə çıxıb. Sahildən 200 metr uzaqlıqda yaxta çevrilib. Nəticədə G.Mirzəyeva dənizdə batıb. Üzməyi bacarmayan G.Mirzəyevanı xilas etməyə çalışsalar da, nəticəsi olmayıb.

Faktla bağlı Sabunçu rayon prokurorluğunda araşdırma aparılır.

Xatırladaq ki, G. Mirzəyeva “Miss Lafarella” internet müsabiqəsinin iştirakçısı, fitness məşqçisi olub.

***

Bakıda gənc model, gözəllik müsabiqələrindən birinin iştirakçılarından olan Günel Mirzəyevanın dünyasını dəyişdiyi ehtimal olunur.

1news.az-ın məlumatına görə, bu haqda Günelin yaxın dostu xəbər verib.

O bildirib ki, Günel dənizdə boğulub: "Hadisə "vəhşi" çimərlikdə baş verib. O, dostları ilə birlikdə yaxta gəzintisinə çıxıb. Onlar birlikdə 200 metr uzaqlığa gediblər, yaxta aşıb. Günel üzə bilmirdi. Yanındakı şəxs xilas ola bilib, bu isə yox. Onun cəsədi hələ də tapılmayıb. Axtarışlar davam edir.

Günlərdir ağlayırıq. Hələ də düşünürük ki, sən sağsan və bizimlə zarafat etmək istəmisən".

Günelin ölümü ilə bağlı rəsmi orqanlara heç bir məlumat daxil olmayıb.

Bolgexeber.com 1news.az-a istinadən xəbər verir ki, fitness məşqçisi dənizdə boğularaq həyatını itirib. Onun cəsədi hələ də tapılmayıb.

Bu barədə Mirzəyevanın dostları sosial şəbəkədə məlumat yayıblar.

“Günel dostları ilə birlikdə yaxta gəzintisinə çıxıb. Onlar birlikdə 200 metr uzaqlığa gediblər, yaxta aşıb. Günel üzə bilmirdi. Yanındakı şəxs xilas olsa da, onu tapmaq mümkün olmayıb. Günelin cəsədi hələ də tapılmayıb, axtarışlar davam edir” - deyə bildirilib.
Azərbaycanlı modelin olduğu yaxta aşdı: meyiti Bilgəhdə tapılıb(yenilənib)

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]