BolgeXeber.Com » Xəbərlər » “Mikayıl Cabbarovla heç cür görüşə bilmirəm...” – Türkiyəli rektordan narazılıq

“Mikayıl Cabbarovla heç cür görüşə bilmirəm...” – Türkiyəli rektordan narazılıq

7-07-2017, 18:34

Oxunub: 2 613 “Mikayıl Cabbarovla heç cür görüşə bilmirəm...” – Türkiyəli rektordan narazılıq

Bahçeşehir Universitetinin rektoru Azərbaycanda filiallarını açmaq məsələsində bürokratik əngəllərlə üzləşdiyini deyir

Bu barədə Yenicag.Az-a açıqlama verən Bahçeşehir Universitetinin rektoru, professor Senay Yalçın bildirib ki, bu istiqamətdə etdikləri cəhdlər hələ ki nəticəsiz qalıb:

“Bahçeşehir Universiteti beynəlxalq səviyyəli bir ali məktəbdir. Dünyanın 3 qitəsində filiallarımız, mərkəzlərimiz fəaliyyət göstərir. 106 ölkədən 3 minə yaxın – o cümlədən, Azərbaycandan 310 tələbəmiz var.

Əlbəttə, biz də istərdik ki, Türkiyə ilə Azərbaycan arasında genişlənən əlaqələr təhsil sahəsini də əhatə etsin. O baxımdan, Azərbaycanda filialımızı açmaq, qazandığımız təcrübəni burada da bölüşmək, yerli tələbələrə yüksək səviyyədə təhsil verməyi arzulayırıq.

Əgər Azərbaycanda bizə şərait yaradılarsa, yer verilərsə, günü sabahdan hazırlıqlara başlayıb, bu işləri qısa müddətdə tamamlayarıq.

Ancaq təəssüf ki, bizim bununla bağlı müraciətimizə konkret cavab verilmir. Məsələni Azərbaycanın təhsil naziri Mikayıl Cabbarovla müzakirə etmək istəsəm də, onunla heç cür görüşə bilmirəm.

M. Cabbarovun müavini Firudin Qurbanovla, həmçinin bəzi millət vəkilləri ilə görüşmüşəm. Lakin dediyim kimi hələ bir nəticə yoxdur”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]