Bizimlə əlaqə | Reklam
BolgeXeber.Com » Xəbərlər » Repetitorlar vergini bu qayda ilə verəcək – Şərh

Repetitorlar vergini bu qayda ilə verəcək – Şərh

12-07-2017, 10:10
Oxunub: 2 723 Repetitorlar vergini bu qayda ilə verəcək – ŞərhRepetitorluqla məşğul olan müəllimlər sosial fəaliyyət kateqoriyasına uyğun vergi ödəməlidirlər

Bu sözləri Axar.az-a açıqlamasında Azad Müəllimlər Birliyinin sədri, təhsil eksperti Məlahət Mürşüdlü deyib. Ekspert bildirib ki, repetitor müəllimlərin vergiyə cəlb olunması Vergi Məcəlləsinə uyğun həyata keçiriləcək:

“Həmin müəllimlər vergi orqanına müraciət edərək, vergi uçotuna alınmalıdırlar. Bu, artıq vergi orqanlarının işidir. Düşünürəm ki, repetitor müəllimlər vaxt itirmədən bu qanunvericilikdə özlərinə aid müddəalarla tanış olmalıdırlar. Bu prosesin həyata keçirilməsi zamanı qazanan Vergilər Nazirliyi və onun simasında dövlətimiz olacaq”.

M.Mürşüdlü həmçinin Vergilər Nazirliyinin açıqlamalarında fərdi repetitorluğun sahibkarlıq fəaliyyəti kimi qiymətləndirməsi fikri ilə razılaşmadığını bildirib:

“Çünki repetitorluq əlavə bir məşğuliyyətdir. Bu, pedaqoji, sosial fəaliyyətdir. Hər bir müəllimin bu fəaliyyəti göstərmək hüququ var. Əgər müəllim bir müəssisə yaratsa, obyekt açsa, bu obyektə hüquqi şəxs kimi rəhbərlik etsə, buna sahibkarlıq fəaliyyəti demək olar. Müəllimlərin fərdi qaydada repetitorluqla məşğul olması sosial fəaliyyət deməkdir. Müəllimlər sosial fəaliyyət kateqoriyasına uyğun olaraq da vergi ödəməlidirlər”.

Qeyd edək ki, Vergilər Nazirliyinin Media və Kommunikasiya Mərkəzi fərdi repetitorluğu fəaliyyəti ilə məşğul olanların yaşayış yeri üzrə vergi orqanına müraciət edərək, vergi uçotuna alınmalı olduğu haqqında məlumat yayıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]