Azərbaycan velosiped istehsalına başladı, bəs velosiped yolları da olacaqmı…
25-07-2017, 12:24
Oxunub: 3 301
İsmayıllıda açılan “İSMA BİKES” velosiped istehsalı zavodu 2017-ci ilin iyulundan tam olaraq fəaliyyətə başlayıbİyulun 6-da Azərbaycanın ilk milli velosiped brendi “İSMA BİKES”in yeni modellərinin təqdimat mərasimi keçirilib.
“İSMABİKES” zavodunun direktoru Elçin Qəhrəmanov Modern.az-a deyib ki, 38 modeldə 49 velosiped təqdim olunub. “Velosipedlərin qiyməti modellərdən asılı olaraq 70-3500 manat arasında dəyişir. Zavodda həvəskar və peşəkar idmançılar, həmçinin uşaqlar üçün müxtəlif tipli velosipedlər istehsal edilir və yaxın gələcəkdə burada əlil arabalarının istehsalı da nəzərdə tutulur”.
Milli velosiped brendinin yaradılması və istehsalının genişləndirilməsi təqdirəlayiqdir. Amma məsələ burasındadır ki, Azərbaycanda bu velosipedlərin istifadəsi üçün zolaqlar, yollar yoxdur.
Məsələ ilə bağlı “Azəravtoyol” ASC-nin mətbuat katibi Anar Nəcəfli Modern.az-a deyib ki, yeni layihələrin icrasında velosiped zolaqlarının salınması nəzərdə tutulub:
“Hələlik respublika ərazisində velosiped zolaqlarının çəkilməsi praktikası yoxdur. Ümumiyyətlə, şəhər mərkəzində bu praktikanın tətbiqi çətindir. Çünki küçələrin darlığı buna imkan vermir. Amma şəhərətrafı, geniş yollarda velosiped zolaqlarının çəkilməsi labüddür. Gələcək layihələrimizdə nəzərdə tutmuşuq”.
A.Nəcəfli beynəlxalq praktikaya əsasən bildirib ki, velosiped zolaqları çəkilərkən zərurətin olması, hərkətin intensivliyi, yolun genişliyi və s. araşdırılır:
“Məsələn, Heydər Əliyev prospektində velosiped sürmək mümkündür və bu, nəqliyyat iştirakçılarının həyatı üçün təhlükə yaratmır. Həmin yolda ayrıca velosiped zolağı ola da bilər, olmaya da bilər. Amma şəhərin mərkəzi, dar küçələrində bir qədər çətindir. Mərkəzi yollarda velosipedin gedib-qayıtması üçün zolağın salınmasına şərait yoxdur.Sovet dövründə şəhərsalma zamanı bunlar nəzərə alınmayıb. Amma velosiped zolaqlarının salınması yeni yollarda nəzərdə tutulub. Bu yaxınlarda reallaşacaq layihədə ilk dəfə həyata keçiriləcək”.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 9-06-2025, 14:55 : Yasda ehsan verilməsi ləğv olundu
Sosial / Bölgə / Xəbərlər - 9-06-2025, 14:14 : Ən yaxşı futbolçu titulunu o qazandı
İdman / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
