Bizimlə əlaqə | Reklam
BolgeXeber.Com » Xəbərlər » DİN və DSX-dən birgə ƏMƏLİYYAT: Helikopterlər cəlb olundu, 3 nəfər saxlanıldı

DİN və DSX-dən birgə ƏMƏLİYYAT: Helikopterlər cəlb olundu, 3 nəfər saxlanıldı

27-07-2017, 14:32
Oxunub: 3 979 DİN və DSX-dən birgə ƏMƏLİYYAT: Helikopterlər cəlb olundu, 3 nəfər saxlanıldıİyulun 25-26-da Daxili İşlər Nazirliyinin əməkdaşlarının və Dövlət Sərhəd Xidmətinin hərbi qulluqçularının iştirakı ilə narkotik vasitələrin qanunsuz dövriyyəsinə qarşı mübarizə sahəsində kompleks əməliyyat-axtarış tədbirləri həyata keçirilib

Bolgexeber.com xəbər verir ki, əməliyyat Balakən və Zaqatala rayonları ərazisindəki meşə massivlərində keçirilib.

DİN Daxili Qoşunlarına məxsus helikopterlərin də cəlb olunduğu əməliyyatlar nəticəsində meşə zolaqlarında narkotik tərkibli bitkilərin kultivasiya yolu ilə yetişdirilməsinə dair faktlar müəyyən olunub. Həmin faktlar üzrə ümumi çəkisi 26 ton 685 kiloqram olan 26 min 660 ədəd narkotik tərkibli çətənə kolları, xalis çəkisi 23 kiloqram olan qurudulmuş marixuana aşkar olunaraq götürülüb.

Qeyd olunan faktlara görə Cinayət Məcəlləsinin müvafiq maddələri ilə cinayət işləri başlanaraq zəruri əməliyyat-istintaq tədbirləri həyata keçirilir.

Həmin cinayətlərin törədilməsində şübhəli bilinən 3 nəfər saxlanılaraq istintaqa cəlb olunub.

Narkotiklərin qanunsuz dövriyyəsinə qarşı zəruri tədbirlər davam etdirilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]