BolgeXeber.Com » Xəbərlər » Salyan RİH-nin başçısı haqqında iddialara rəsmi açıqlama verildi

Salyan RİH-nin başçısı haqqında iddialara rəsmi açıqlama verildi

29-07-2017, 12:34

Oxunub: 3 057

Bu gün ölkə mətbuatında Yardımlı rayon Koryədi kənd sakininin Salyan RİH-nin başçısı Sevindik Hətəmovu məhkəməyə verməsi ilə bağlı yazılar dərc olunub

İrəli sürülən iddiaların nə dərəcədə həqiqətə uyğun olduğunu öyrənmək "Bolgexeber.com" olaraq məsələni aydınlaşdırmağa qərar verdik və Koryədi kənd icra nümayəndəsi ilə əlaqə saxladıq. Əlsahib Məmmədov bildirdi ki, həmin yazılarda qeyd olunanlar həqiqəti əks etdirmir. Salyan RİH-nin başçısı Sevindik Hətəmovun müharibə iştirakçılarına qarşı diqqət və qayğısını rayonda hər kəs yaxşı bilir.
"Sevindik Hətəmov Yardımlı rayonunda yaşayan şəhid ailələrinə qarşı daim qarşı daim qayğı göstərib. Həmin ailələrə Yardımlı RİH tərəfindən müəyyən güzəştlər edilib.
O, Salyan rayonuna icra başçısı gəldikdən sonra eyni diqqət və qayğını bu rayonun sakinlərinə qarşı göstərib.
Sözügedən xatirə lövhəsinin sökülmə səbəbi hal-hazırda araşdırılır. Həmin büst ehtimallara görə, Sevindik Hətəmov başçı gəlməmişdən öncə sökülüb. Ancaq kim tərəfindən sökülməsi ilə bağlı dəqiq məlumat hal-hazırda yoxdur.
Bundan əlavə, hal-hazırda Etiqad Nüsrətovun atası İltifat Sadıqovun ruhuna hörmət əlaməti olaraq Koryədi kənd orta məktəbinin yanında onun adını daşıyan 3 otaqlı ev muzeyi yaradılıb və muzeyin həyətində təbii güllərin bəzədiyi bağça salınıb." - deyə Əlsahib Məmmədov açıqlamasını yekunlaşdırıb.
Bolgexeber.com

Çox Oxunanlar