BolgeXeber.Com » Xəbərlər » Qusarda bu kənd 5 gündür işıqsız qalıb - ŞİKAYƏT

Qusarda bu kənd 5 gündür işıqsız qalıb - ŞİKAYƏT

1-08-2017, 09:57

Oxunub: 3 086 Qusarda bu kənd 5 gündür işıqsız qalıb - ŞİKAYƏT

Qusar rayonunun Urva kəndində beş gündür ki, borclu abonentlərin işığı kəsilib

Cebhe.info-ya ünvanlanan şikayətdə qeyd olunur ki, heç bir xəbərdarlıq olmadan işıq xətləri kəsilib. Sakinlərin sözlərinə görə, bu borclar hələ “Barmek”in vaxtında yazılıb: “Hava istidir. Sakinlər soyuducu, kondisioner istifadə edə bilmirlər. İşıq kəsən işçilərlə əlaqə saxlayırıq, telefonu üzümüzə bağlayırlar”.

Məsələ ilə əlaqədar olaraq Qusar rayon İşıq İdarəsi ilə əlaqə saxladıq.

İşıq İdarəsindən bu məlumatların əsassız olduğu bildirilib: “Heç kimə xəbərdarlıq edilmədən işıq xətləri kəsilmir. Köhnə borcların bizə aiddiyatı yoxdur”. Daha sonra idarədən bildirilib ki, xətti kəsilənlər sırasında köhnədən borcu olanlar yoxdur.

Sakinlər İşıq İdarəsinin borclulara anlayış göstərməməkdə, isti havanı nəzərə almamaqda günahlandırıb. Lakin idarədən bildirilib ki, sakinlərə kifayət qədər anlayış göstəriblər: “Kifayət qədər güzəşt etdik. Hətta imkan veririk ki, borclarını hissə-hissə ödəsinlər. Camaatı başa düşürük ki, imkansızdır”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]