Bizimlə əlaqə | Reklam

BolgeXeber.Com » Xəbərlər » “Kənddə özüm hazırlaşıb, 662 bal yığmışam” - Zərdabda pul olmadığı üçün oxumaqdan imtina etdiyi deyilən Aytən

“Kənddə özüm hazırlaşıb, 662 bal yığmışam” - Zərdabda pul olmadığı üçün oxumaqdan imtina etdiyi deyilən Aytən

1-08-2017, 12:47

Oxunub: 3 365

Zərdab rayonunda ali məktəblərə qəbul imtahanından 650 bal toplayaraq hüquq fakültəsinə daxil olan tələbənin sevinci kədərə çevrilib

Sosial şəbəkələrdə Zərdab rayonundan olan abituriyentin repetitor yanına getmədən yüksək bal topladığı, Bakı Dövlət Universitetinin Hüquq fakültəsini seçdiyi, lakin imkansızlıq ucbatından Bakıya gəlib, təhsil ala bilmədiyi barədə məlumatlar yayılıb. Bildirilir ki, tələbənin qalmağa yeri, kirayə ev tutmağa imkanı və kitab-dəftər almağa pulu olmadığından, o, universitetdə oxumaqdan imtina edib.

BakuPost.az-ın əməkdaşı sözügedən abituriyentin kimliyini araşdırıb. Məlum olub ki, təhsildən məcburən imtina etdiyi bildirilən abituriyent rayonun İmadəddin Nəsimi adına Yarməmmədbağı kənd tam orta məktəbinin məzunu Şirinova Aytən Şirin qızıdır. O, imtahanlardan 662 bal toplayıb.

Aytən Şirinova BakuPost.az-a açıqlamasında bildirib ki, imkansızlıq ucbatından oxumaqdan imtina etməsi barədə yayılan xəbərlər həqiqəti əks etdirmir: "Zərdab rayonunun Lələağacı kəndindənəm. Ali məktəblərə qəbul imtahanına özüm evdə hazırlaşmışam. Heç bir müəllim hazırlaşdırmayıb.

3-cü qrupa imtahan vermişdim. İxtisas olaraq Hüquq fakültəsini seçəcəyəm. Keçid balım da düşür.

Düzdür, o qədər imkanlı ailə deyilik. Amma kiminsə köməyin ehtiyacımız yoxdur. Gələcəyəm, oxuyacağam”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]