BolgeXeber.Com » Xəbərlər » ÇL-in "pley-off" mərhələsinə yüksələn "Qarabağ" futbol komandası vətənə dönüb-VİDEO

ÇL-in "pley-off" mərhələsinə yüksələn "Qarabağ" futbol komandası vətənə dönüb-VİDEO

2-08-2017, 09:59

Oxunub: 1 974 ÇL-in "pley-off" mərhələsinə yüksələn "Qarabağ" futbol komandası vətənə dönüb-VİDEO

Çempionlar Liqasının pley-off mərhələsinə yüksələn Ağdamın “Qarabağ” futbol komandası Moldovadan vətənə qayıdıb

Komandanı Heydər Əliyev Beynəlxalq Hava Limanında çoxsaylı azarkeşlər, KİV nümayəndələri və yaxınları qarşılayıblar. Futbolçular jurnalistlərlə təəssüratları, qələbə sevinclərini bölüşüblər.

Qeyd edək ki, Azərbaycan çempionu “Qarabağ” ötən gün Çempionlar Liqasının III təsnifat mərhələsinin cavab oyunları çərçivəsində Moldovada bu ölkənin ən titullu klubu “Şerif”in qonağı olub. Bakıda rəqibini məğlub edə bilməyən (0:0) Qurban Qurbanovun yetirmələri səfərdə 2:1 hesablı qələbəyə sevinib.

Tiraspolda uğur qazanmaqla bu turnirin pley-offuna yüksələn “Qarabağ” qrup mərhələsinə vəsiqəni təmin edib. Çünki növbəti raundda məğlubiyyət Avropa Liqasının, qələbə isə Çempionlar Liqasının əsas mərhələsinə vəsiqə verir.

Qeyd edək ki, Azərbaycan çempionu qitənin ən nüfuzlu klub turnirində “play-off” mərhələsinə vəsiqə qazanan ilk Azərbaycan klubu olub

Çempionlar Liqası
III təsnifat mərhələsi, cavab oyunu
1 avqust

“Şerif” (Moldova) – “Qarabağ” (Azərbaycan) - 1:2
Qollar: Badibanqa, 90+4 (pen.) - Ndlovu, 45+3, Miçel, 86

Çox Oxunanlar