BolgeXeber.Com » Xəbərlər » Jurnalistlər sosial şəbəkələrdə “İlham Əliyevin dostları” adlı səhifə yaradıblar

Jurnalistlər sosial şəbəkələrdə “İlham Əliyevin dostları” adlı səhifə yaradıblar

21-08-2017, 18:43

Oxunub: 3 023

Bir qrup Azərbaycan jurnalisti tərəfindən sosial şəbəkələrdə “İlham Əliyevin dostları” adlı səhifə yaradılıb

Mətbuat Şurasından (MŞ)verilən məlumata görə, Facebook, İnstagramda, Twitterdə yaradılan səhifədə prezident İlham Əliyevin jurnalistlərlə görüşləri, kütləvi informasiya vasitələri işçilərinin sosial vəziyyətini yaxşılaşdırmaq üçün görülən işlər, dövlət başçısı barədə jurnalistlərin qələmə aldıqları yazılar yerləşdirilir.

Səhifələrin əsas məqsədi Azərbaycan prezidentinin media sahəsindəki strategiyasını təbliğ etmək, ümumən mövcud istiqamətdəki dövlət siyasəti ilə bağlı ortaq informasiya platforması yaratmaqdan ibarətdir.

Səhifədə dövlət başçısının fəaliyyətini əks etdirən fotoalbomlar və müxtəlif KİV-lərdə dərc edilmiş materiallar da yer alıb.

“Təşəbbüskarlar öz həmkarlarını mövcud səhifənin konsepsiyasına zidd olmayan materiallar paylaşmağa, şərhlər yazmağa, diskussiyalara qatılmağa dəvət edirlər. Səhifədə artıq Azərbaycan prezidentin rəsmi saytına istinadən məktublar, sənədlər, müxtəlif KİV-lərdə dərc olunmuş və mətbuata dövlət qayğısını əks etdirən yazılar da yerləşdirilib”, - deyə məlumatda bildirilib.

Mətbuat Şurası ölkə mediasının və ictimaiyyətinin nümayəndələrini jurnalistlərin bu təşəbbüsünə qoşulmağa, səhifələrdə aktiv şəkildə öz fikirlərini bildirməyə, prezident İlham Əliyevin şəxsində Azərbaycan dövlətinin media siyasətini dəstəkləməyə çağırır.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]