BolgeXeber.Com » Xəbərlər » Millət vəkili Fəzail Ağamalı 70 yaşını qeyd edir

Millət vəkili Fəzail Ağamalı 70 yaşını qeyd edir

26-08-2017, 14:48

Oxunub: 4 025 Millət vəkili Fəzail Ağamalı 70 yaşını qeyd edir

Bu gün Ana Vətən Partiyasının sədri, Milli Məclisin deputatı, tarix elmləri doktoru, professor Fəzail Ağamalının 70 yaşı tamam olur

Bolgexeber.com xəbər verir ki, Fəzail Ağamalı 1947-ci il avqustun 26-da Ermənistan SSR-in Sisian rayonunun Qızıl Şəfəq (Şıxlar) kəndində anadan olub. Azərbaycan Dövlət Universitetinin tarix fakültəsini bitirən Fəzail Ağamalı 1971-ci ildə Naxçıvan şəhərində orta məktəb müəllimi, daha sonra Naxçıvan Dövlət Universitetində baş müəllim işləyib.

O, 1988-ci ildən Azərbaycan Xalq Təsərrüfatı İnstitutunda, 1991-ci ildən Azərbaycan Əmtəəşünaslıq İnstitutunda, 2000-ci ildən Azərbaycan İqtisad Universitetində dosent və professor vəzifələrində çalışıb.

2005-ci il noyabrın 6-da 60 saylı Salyan-Neftçala seçki dairəsindən deputat seçilib. Milli Məclisin Hüquq siyasəti və dövlət quruculuğu məsələləri daimi komissiyasının üzvü, Azərbaycan-İspaniya parlamentlərarası əlaqələr üzrə işçi qrupunun rəhbəridir.

Fəzail Ağamalı həmçinin Azərbaycan-Bolqarıstan, Azərbaycan-İsveç, Azərbaycan-Sloveniya parlamentlərarası əlaqələr üzrə işçi qruplarının və MDB-nin Parlamentlərarası Assambleyasında Azərbaycan nümayəndə heyətinin üzvüdür.

Bolgexeber.com olaraq millət vəkili Fəzail Ağamalını 70 yaşının tamam olması münasibətilə təbrik edir, ona ictimai-siyasi fəaliyyətində uğurlar arzulayırıq.

Çox Oxunanlar