BolgeXeber.Com » Xəbərlər » Azərbaycanda kredit götürənə zamin duran şəxs həbs edildi

Azərbaycanda kredit götürənə zamin duran şəxs həbs edildi

20-10-2017, 12:50

Oxunub: 2 389

Azərbaycanda bankdan kredit götürmüş şəxsin zamin qismində göstərdiyi qadın həbs edilib

Bu barədə “Report”a vəkil Əkrəm Həsənov məlumat verib.

Onun sözlərinə görə, Sabunçu Rayon Məhkəməsinin hakimi Süleyman Ağayev “Atabank”dan kredit götürmüş şəxsin zamini qismində göstədiyi Lalə Bunyatova barəsində 10 gün müddətinə azadlıqdan məhrumetmə qərarı çıxarıb: “Həmin qadın “Azərbaycan Dəmir Yolları” QSC-nin işçisidir, lakin o, işsiz kimi göstərilib.

Məhkəmə qərarında qeyd olunub ki, guya işsiz zamin üzrsüz səbəbdən borcu ödəmir. Halbuki işsiz şəxsin borcu ödəməsi mümkünsüzdür və burada vətəndaşın hər hansı təqsirindən söhbət gedə bilməz”.
Vəkil qeyd edib ki, L.Bunyatova “Azərbaycan Dəmir Yolları” QSC-də işləməsinə baxmayaraq, icra məmuru bunu müəyyən etməyib və əməkhaqqına tutma yönəltmək əvəzinə xanımın həbsi barədə məhkəməyə təqdimat verib: “Əsas həm də odur ki, xanım borc üzrə haqqında məhkəmə qərarının olmasını yalnız oktyabrın 4-də, həbsindən 13 gün əvvəl bilib. Buna qədər ona heç bir sənəd göndərilməyib”.

Ə.Həsənov bildirib ki, bu gün məhkəmə qərarından apellyasiya şikayəti verəcək.

Qeyd edək ki, kredit götürən şəxsin banka borcu 8 701 manatdır.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]