BolgeXeber.Com » Xəbərlər » DİN “Maye qaz” yanacaqdoldurma məntəqəsindəki partlayışla bağlı məlumat yayıb

DİN “Maye qaz” yanacaqdoldurma məntəqəsindəki partlayışla bağlı məlumat yayıb

31-10-2017, 12:43

Oxunub: 1 836 DİN “Maye qaz” yanacaqdoldurma məntəqəsindəki partlayışla bağlı məlumat yayıb

Daxili İşlər Nazirliyi (DİN) Ağcabədi rayonunun Boyat kəndi ərazisindəki “Maye qaz” yanacaqdoldurma məntəqəsində baş vermiş partlayışla bağlı məlumat yayıb

Bolgexeber.com- un xəbərinə məlumatda bildirilib ki, oktyabrın 30-da saat 19 radələrində Ağcabədi rayonunun Boyat kəndi ərazisindəki “Maye qaz” yanacaqdoldurma məntəqəsinin çəninə Şirvan şəhər sakini Gülhüseyn Nəsirov “ZİL-130” markalı avtomobilindən maye qaz boşaldarkən partlayış baş verib. Nəticədə avtomobilin yanar konstruksiyaları yanıb, habelə məntəqənin yardımçı otağı və yaxınlıqdakı çardaq dağılıb, G.Nəsirov, N.Cəfərov və onun qardaşı Həsən müxtəlif dərəcəli bədən xəsarətləri ilə xəstəxanaya yerləşdiriliblər. Nahid Cəfərov orada ölüb, digərlərinin vəziyyətləri qənaətbəxşdir.
Fakt üzrə araşdırma aparılır.

Çox Oxunanlar