BolgeXeber.Com » Xəbərlər » Məleykə Abbaszadə: Dövlət İmtahan Mərkəzi “sosial lift” funksiyasını yerinə yetirir
Məleykə Abbaszadə: Dövlət İmtahan Mərkəzi “sosial lift” funksiyasını yerinə yetirir
13-12-2017, 17:47
Oxunub: 1 550
“Ötən dövr ərzində Dövlət İmtahan Mərkəzi geniş elmi-metodoloji və texniki potensiala yiyələnib, Azərbaycan cəmiyyətinə xidmət edən yeni, demokratik tələbə seçimi sistemi yaradılıb”
Bolgexeber.com Report-a istinadən xəbər verir ki, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə bildirib.
Onun sözlərinə görə, bu sistem nə qədər möhkəmlənibsə, onun faydalılığı və effektivliyi də bir o qədər artıb, nə qədər təkmilləşibsə, cəmiyyətdəki nüfuzu da bir o qədər yüksəlib və nəticədə, cəmiyyətdə biliyin qiymətləndirilməsinin mövcud sisteminin obyektivliyinə, ədalətliliyinə möhkəm inam formalaşıb: “Bu isə Azərbaycan təhsilinin müstəqillik illərində qazandığı ən böyük nailiyyətlərdəndir. Azərbaycan gəncliyinin çağdaş dövrdə öz təhsilini davam etdirmək istəyən bütün dəstələri onlar üçün yaradılan ədalətli, obyektiv və şəffaf qəbul sisteminə görə ümummilli liderimiz Heydər Əliyevə minnətdar olmalıdır. Çünki mərkəzləşdirilmiş qəbul sistemi gənclərimizə köhnə qəbul işinə xas olan mənfi hallara rast gəlmədən öz təhsil almaq arzularını gerçəkləşdirmək imkanı verib”.
M.Abbaszadə qeyd edib ki, bu istiqamətlər üzrə aparılan işlərin əsasında ölkədə bu gün “sosial lift” funksiyasını yerinə yetirən bir sistem fəaliyyət göstərir: “Hansı ailədə, şəhərdə, kənddə böyüyüb başa çatmasından asılı olmayaraq, hər bir gənc bacarığı və oxumaq istəyi varsa, bu sistem sayəsində müstəqil şəkildə imtahana hazırlaşa və ali məktəbə qəbul oluna bilər”.
DİM sədri əlavə edib ki, bu gün artıq Mərkəzin yaratdığı sistem vasitəsilə hər kəs orta məktəblərdə 9 və 11-ci siniflərdə həyata keçirilən yekun qiymətləndirmə, ali təhsil müəssisələrinə qəbul, daha sonra magistratura və ya rezidenturaya, nəhayət, dövlət qulluğuna qəbul imtahanlarında iştirak etməklə öz karyeralarını qururlar: “Dövlət İmtahan Mərkəzi “sosial lift” funksiyasını yerinə yetirməklə cəmiyyət, dövlət üçün hazırlanan mütəxəssislərin, yüksək ixtisaslı kadrların yetişdirilməsində və seçilməsində birbaşa iştirak edir”.
Çox Oxunanlar
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 27-04-2024, 18:58 : Bakı metrosunda ölüm baş verib
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 17-04-2024, 10:13 : Hadı Rəcəblinin dəfn yeri açıqlandı
Gündəm
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər
- 13-04-2024, 14:14 : Dilanın Bakıdakı gözəllik mərkəzi satışa çıxarıldı
Şou-Biznes