Bakıda yolkaların qiyməti qalxıb - Bahalaşma bu bazara da sirayət edib
19-12-2017, 15:32
Oxunub: 2 330
Qarşıdan Yeni il bayramı gəlir
Bu bayramın əsas atributlarından biri yolka ağaclarıdır. Bayram yaxınlaşdıqca, yolkaların və onlar üçün bəzək aksesuarlaının - zərlər, işıqlar, şarlar və müxtəlif oyuncaqların bahalaşması hiss olunur. Modern.az-ın əməkdaşı biz də belə qərara gəlib ki, qiymətlərlə maraqlansın.
Demək olar ki, hazırda ən ucuz qiymətlər metro stansiyalarının çıxışlarında qurulan çadır-yarmarkalardadır.
“Gənclik” metrostansiyasının çıxışındakı yarmarkada ən bahalı yolka 120 manata satılır. Burada hündürlüyü 2 m olan yolkanı 55 manata da almaq olar. Bi xeyli balaca yolkaların qiymətləri 3 - 40 manat arasında dəyişir.
Yolkanın bəzədilməsi üçün oyuncaqların qiymətləri 1.50 manatdan başlayır, 22 manata kimi yüksəlir. Burada zərlərin qiyməti 1 manat təşkil edir. Yolka ağacını işıqsız təsəvvür etmək çətindir. Yarmarkadakı işıqların qiymətini də öyrəndik: 1.50-7 manat arasındadır. Uşaqların sevimli oyuncaqlarından olan şarın qiyməti çox ucuzdur: 5-20 qəpik.
“Nəriman” metrostansiyasının qarşısında açılan yarmarkalarda qiymət bir qədər bahadır. Burada 3 yarmarka var. Bu yarmarkalardan birində hündürlüyü təxminən 2 metr olan yolkanın qiyməti 150 manat təşkil edir. Burada şarları vahid qiymətə -10 qəpiyə satırlar. Şaxta baba, Qar qız oyuncaqlarının ən ucuzu 3 manat, ən bahalısı 50 manatdır. Yolka işıqlarının qiymətləri 3 manatdan başlayır və 50 manatda bitir.
Maraqlıdır ki, baş çəkdiyimkiz “Nəsimi” bazarında qiymətlər nisbətən ucuz idi. Burada yolka çeşidləri az idi, qiymət əsasən 6-55 manat arasında dəyişirdi. Oyuncaqların ən bahalısı 20 manat idi. Qarşıdan gələn “İt ili” ilə əlaqədar ən çox it oyuncaqlarına üstünlük verilir: qiymət 1-20 manat. Şaxta baba, Qar qız oyuncaqları 3-50 manat arasında dəyişirdi.
“Gənclik Mall” da yerləşən “Bravo” mağazalar şəbəkəsindəki qiymətlərlə də maraqlandıq. Burada ən bahalı yolkanın hündürlüyü 180 sm, qiyməti 100 manatdır. Oyuncaqlar isə nisbətən bahadır: 12 qəpikdən tutmuş 38 manata kimi. Satıcı bildirdi ki, qiymət baha da olsa, oyuncaq alanlar az deyil. Ən bahalı Şaxta baba oyuncağı burada 56 manatdır, Qar qızın qiyməti isə 29 manatdır.
Çox Oxunanlar
- 17-04-2024, 10:13 : Hadı Rəcəblinin dəfn yeri açıqlandı
Gündəm
- 27-04-2024, 18:58 : Bakı metrosunda ölüm baş verib
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 20-04-2024, 15:57 : Cavanşir Məmmədovla vida mərasimi keçirilir
Şou-Biznes
- 11-05-2024, 17:48 : Bakıda daha bir YENİLİK
Xəbərlər / Ölkə
- 4-05-2024, 17:28 : XİN rəsmi məlumat yaydı
Siyasət / Xəbərlər
- 18-04-2024, 17:24 : Rəqsanə İsmayılovanın əmlaklarına həbs qoyulub? - AÇIQLAMA
Şou-Biznes
- 1-05-2024, 17:35 : Ermənistanda yeniyetmə minaya düşdü
Dünya / Xəbərlər
- 27-04-2024, 17:55 : Şeytan çarxı fəaliyyətini dayandırıb?
Xəbərlər / Ölkə
- 30-04-2024, 14:11 : “Qarabağ” - “Neftçi” oyununun stadionu dəyişdirilib
İdman