BolgeXeber.Com » Xəbərlər » Bərdədə 14 yaşlı çoban bacısına görə ölümə getdi – Təfərrüat

Bərdədə 14 yaşlı çoban bacısına görə ölümə getdi – Təfərrüat

26-01-2018, 12:30

Oxunub: 1 712 Bərdədə 14 yaşlı çoban bacısına görə ölümə getdi – Təfərrüat

Bərdə rayonunda məktəblini öldürməkdə təqsirli bilinən 1999-cu il təvəllüdlü Tapdıq Mustafalının cinayət işi üzrə məhkəmə prosesi başa çatıb

Hadisə ötən il yanvarın 13-də Bərdə rayonunun Mirzəcəfərli kəndində olub.
Kənd ərazisində fermada yaşayan Yevlax rayonunun Qoyun Binəsi kənd sakini, 1999-cu il təvəllüdlü Tapdıq Mustafalı qonşuluqda yaşayan Kəlbəcər rayonundan olan məcburi köçkün, 2003-cü il təvəllüdlü Həsrət Mirzəməmmədovu döyərək öldürüb. Sonra meyti su kanalına atılıb

İstintaq müəyyən edib ki, qətlə yetirilən Həsrət Mirzəmmədov 7-ci sinif şagirdidir. Ağdaş rayonunun Aral-1 kəndində müvəqqəti məskunlaşmış kəlbəcərli məcburi köçkün Bərdə rayonunda çobanlıq edirmiş.

Hadisə Həsrət Mirzəməmmədov otlaq sahəsində heyvanları otararkən baş verib.

Tapdıq Mustafalı polis tərəfindən yaxalanaraq istintaqa cəlb edilib. O, ilkin ifadəsində yeniyetməni otlaq sahəsinə görə yaranan münaqişə zəminində öldürdüyünü deyib.

Amma istintaq dövründə 18 yaşlı Tapdığın 14 yaşlı Həsrəti başqa səbəbdən qətlə yetirdiyi məlum olub.

Həsrət hadisədən bir neçə gün əvvəl Tapdığı bacısı ilə görüb. O, özündən 4 yaş böyük olan Tapdıqdan bir də bacısına yaxın durmamasını tələb edib. Bu səbəbdən onlar arasında dava-dalaş baş verib. 14 yaşlı oğlanın başına zərbələr endirib öldürən Tapdıq Mustafalı meyiti kanala ataraq qaçıb. Çox keçmədən polis əməkdaşları onu yaxalayıb.

Gəncə Ağır Cinayətlər Məhkəməsinin hökmü ilə Tapdıq Mustafalı 17 il 6 ay müddətinə azadlıqdan məhrum edilib.

mənbə: teleqraf.com

Çox Oxunanlar