Bizimlə əlaqə | Reklam
BolgeXeber.Com » Xəbərlər » İtkin alpinistlərin axtarışı davam etdirilir

İtkin alpinistlərin axtarışı davam etdirilir

26-01-2018, 16:14
Oxunub: 3 152 İtkin alpinistlərin axtarışı davam etdirilirXəbər verdiyimiz kimi Quba rayonu ərazisində itkin düşmüş "Gilavar” hava və ekstrim idman klubunun alpinistləri Fəridə Cəbrayılzadə, Babur Hüseynov və Namin Bünyatzadənin axtarışlarına Türkiyədən dəvət edilmiş mütəxəssislər də cəlb olunub

“Gilavar” idman klubunun rəhbəri Ziya Qasımlı Modern.az-a bildirib ki, hələ ki axtarışlar nəticəsiz qalır:

“Hələ ki heç bir yeni məlumat yoxdur. Axtarışların hazırda hansı istiqamətdə davam etdiyi ilə bağlı yaxın günlərdə informasiya veriləcək.

Biz hələ bilmirik, alpinistlərin başına nə gəlib, ya da hazırda hardadırlar. Allahın işidir. Yalnız ümid edirik ki, onlar sağ-salamat geri qayıdacaqlar”.

Qeyd edək ki, axtarış işləri əsasən Fövqəladə Hallar Nazirliyinin müvafiq xilasetmə qüvvələri, Ekologiya və Təbii Sərvətlər Nazirliyinin əməkdaşları və peşəkar alpinistlərdən ibarət könüllü dəstələr tərəfindən aparılır.
Sonradan Azərbaycan Respublikası Ərazilərinin Minalardan Təmizlənməsi üzrə Milli Agentliyin mütəxəssisləri (xüsusi təyinatlı avadanlıqlarla təhciz edilmiş) də axtarışlara qoşulub.

Axtarış-xilasetmə işləri mürəkkəb reylefli yüksək dağ massivində (dəniz səviyyəsindən 3000-3200 m yüksəklikdə) aparılır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]