Bizimlə əlaqə | Reklam
BolgeXeber.Com » Xəbərlər » Bakıda gənclərin ölüm mənbəyi olan “PlayStation” klublar…

Bakıda gənclərin ölüm mənbəyi olan “PlayStation” klublar…

31-03-2018, 11:23
Oxunub: 4 360 Bakıda gənclərin ölüm mənbəyi olan “PlayStation” klublar…Ötən ilin sonunda “Tütün məmulatlarının istifadəsinin məhdudlaşdırılması haqqında” qanun qüvvəyə minib

Hansı məkanlarda siqarət çəkməyin qadağan olunduğu müəyyən edilib. Bir çox obyektlərdə sözügedən qanuna riayət olunmağa başlanıb. Lakin çox keçmədi ki, bəzi məkanlar üçün siqaret qadağası “qüvvədən düşdü”.

Minval.info xəbər verir ki, qanuna məhəl qoymayan obyektlərdən öndə gedəni “PlayStation” oyun klublarıdır. Nəzərə alsaq ki, gənclərin böyük əksəriyyəti siqaret aludəçisidir və onların ən çox üz tutduğu yerlərdən biri məhz bu obyektlərdir. O zaman “PlayStation”lardakı vəziyyəti təsəvvür etmək heç də çətin deyil.

Bu obyektlərdə bir kompüterdə rahatlıqla 4 nəfər oyun oynayır. Yalnız onların hər biri siqaret çəkərsə, oranı tüstü-duman bürüyür. Hələ tütünün qoxusu da bir yana… Üstəlik, burada növbəsini gözləyən müştərilər də vaxtlarının getməsi üçün siqaretlərini alışdırıb tüstüləyirlər. Yaranan ab-hava ciddi xəstəliklərin yaranmasına səbəb olan böyük amillərdən biridir.

Maraqlıdır ki, bu obyektlərin əksəriyyətində havaçəkən belə quraşdırılmayıb.

Qeyd edək ki, qanuna əsasən, qadağan edilmiş yerlərdə siqaret çəkməyə görə otuz manat məbləğində cərimə nəzərdə tutulub. Həmçinin siqaret çəkmək üçün xüsusi yerlərin ayrılmasının və görünən yerlərdə “siqaret çəkmək qadağandır” xəbərdarlıq yazısının və ya işarəsinin olmasının təmin edilməməsinə görə vəzifəli şəxsləri dörd yüz manat məbləğində, hüquqi şəxsləri isə min manat məbləğində cərimə gözləyir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]