BolgeXeber.Com » Xəbərlər » Vüsal Hüseynov bəzi şəxslərin işdən kənarlaşdırılacağını bəyan edib

Vüsal Hüseynov bəzi şəxslərin işdən kənarlaşdırılacağını bəyan edib

17-05-2018, 12:13

Oxunub: 3 172

Dövlət Miqrasiya Xidmətinin (DMX) rəisi Vüsal Hüseynov qurumda korrupsiya faktlarının olması ilə bağlı məlumata münasibət bildirib.

Vüsal Hüseynov jurnalistlərə açıqlamasında ilk gündən Prezident İlham Əliyevin Dövlət Miqrasiya Xidməti ilə bağlı verdiyi tapşırıqların icrası istiqamətində fəaliyyətə başladıqlarını bildirib: “Artıq ilkin mövcud vəziyyət təhlil olunub. Vətəndaşların şikayət və müraciətləri də təhlil edilib. Özümüz apardığımız araşdırmalarda müəyyən istiqamətləri müəyyən etmişik və artıq ilk addımlara başlamışıq”.

“Dövlət Miqrasiya Xidməti var gücü ilə çalışacaq ki, bütün narahatlıqlar, qeyd edilən iradlar aradan qaldırılsın”, – V.Hüseynov əlavə edib.

Kadr islahatlarına toxunub
“Kadr islahatları bizim daxili idarəçiliyimizin bir hissəsidir”.

V. Hüseynov bildirib ki, kadr islahatları mütəmadi aparılan prosesdir: “O kadrlar ki, cənab Prezidentin müəyyən etdiyi tapşırıqları icra etməyə qadirdir, onlarla işləyəcəyik. Şərtlər müəyyən şəxslərin kənarlaşdırılmasını istisna etmir.

Bizim yanaşmamız ondan ibarətdir ki, işçilərin bilik və bacarıqlarını artıraq. Bununla bağlı biz müəyyən yerdəyişmələr həyata keçiririk. Müəyyən təlim potensialını gücləndiririk”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]