Bizimlə əlaqə | Reklam
BolgeXeber.Com » Xəbərlər » Bakıda müəllimlərin rüsvayçı nəticələri - ŞOK

Bakıda müəllimlərin rüsvayçı nəticələri - ŞOK

30-05-2018, 16:32
Oxunub: 2 750 Bakıda müəllimlərin rüsvayçı nəticələri - ŞOKMüəllimlərin diaqnostik imtahanında iki müəllim qulaqcıqdan istifadə etməklə telefonla danışaraq, sualları cavablandırmağa cəhd edib.

Axar.az xəbər verir ki, bu barədə Təhsil Nazirliyinin 29 mayda keçirdiyi orta məktəbdə çalışan müəllimlərin diaqnostik imtahanının nəticələrindən bəhs edən təhsil eksperti Kamran Əsədov qeyd edib. O bildirib ki, başqa bir gənc xanım isə öz anasının əvəzinə imtahana girməyə cəhd göstərib:

“29 may tarixində keçirilən imtahanlarda riyaziyyat, musiqi, alman dili, fransız dili müəllimləri və gənclərin çağırışaqədərki hazırlıq rəhbərləri iştirak edib. 2 müəllim qulaqcıqdan istifadə etməklə qaydaları pozduğu üçün imtahandan kənarlaşdırılıb və nəticələri ləğv olunub. Onlar Bakı şəhərində yerləşən eyni məktəbin müəllimləridir. Bundan əlavə, bir gənc xanım öz anasının əvəzinə imtahana girməyə cəhd edib. Səbəbini soruşduqda isə anasının gələ bilmədiyini deyib, onun yerinə “səlahiyyətli nümayəndə” kimi imtahana qatılmaq istədiyini bildirib. Təbii ki, həmin gənc xanımın “səlahiyyətli nümayəndə” qismində imtahanda iştirakına icazə verilməyib”.

Ekspert onu da qeyd edib ki, 20 min müəllim içərisində cəmi 1 müəllim maksimum nəticəni - 60 balı toplaya bilib:

“29 mayda keçirilən imtahanlar zamanı qeydə alınan ən aşağı nəticə 2 bal olub. 55 nəfər 10 baldan aşağı nəticə göstərib. İmtahan zamanı iştirakçıların öz aralarında söhbət etməsi, nəzarətçiləri təhqir etməsi, onlara rüşvət təklif etməsi hallarına tez-tez rast gəlinib. Bu onu göstərir ki, təhsil sistemində təsadüfi şəxslər hələ də orta məktəblərdə çalışır. Onlar müəllimdir, hər addımında nümunə olmalı olan şəxslər, çalışıb qənaətbəxş nəticə əldə etmək yerinə, 17 yaşlı abituriyent kimi qaydaları pozmaqla, hansısa formada və yolla nəyəsə nail olmaq istəyirlər.

Biz təhsilimizi, gələcəyimizi, inkişafımızı belə müəllimlərəmi etibar edirik, ümid edirik?”
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]