BolgeXeber.Com » Xəbərlər » Azərbaycanın ən populyar kurort şəhərinin iyrənc küçələri

Azərbaycanın ən populyar kurort şəhərinin iyrənc küçələri

31-05-2018, 16:47

Oxunub: 4 045

Şəhərin Asəf Zeynallı, Natəvan və Şirvani küçələrində dağıdılmış asfalt yenilənməyib, həmin uçuq-sökük vəziyyətdə qalmaqdadır

Xaçmazda yeni su-kanalizasiya xətti çəkilib qurtarıb, istifadəyə verilib. Bu münasibətlə Xaçmaza səfər edən Azərbaycan prezidenti İlham Əliyev yeni xəttin açılışını da edib. Dövlət başçısının açılış etməsindən sonra kanalizasiya xəttini çəkən bəzi təşkilatlarda arxagınçılıq yaranıb.

İstiPress-in şimal bürosu olaraq yenidən bu mövzuya qayıdırıq. Saytımızın bu il 14 mart tarixli sayında "Xaçmazlıların sevinci yarımçıq qaldı - 3 ay qabaq qazdılar, amma" sərlövhəli yazıda kanalizasiya çəklişi zamanı Xaçmazın bəzi küçələrinin bərbad duruma düşməsindən bəhs etmişdik. Vəziyyət heç dəyişməyib, yerində sayır.
Azərbaycanın ən populyar kurort şəhərinin iyrənc küçələri

Sadəcə olaraq, Asəf Zeynallı küçəsində sınıb qalmış ağır texnika yerindən götürülüb. Şəhərin Asəf Zeynallı, Natəvan və Şirvani küçələrində dağıdılmış asfalt yenilənməyib, həmin uçuq-sökük vəziyyətdə qalmaqdadır. Sakinlərin sözlərinə görə, bu küçələrdə qışda palçıqdan, indi də toz-torpaqdan hərəkət etmək olmur. Yay ayı başlayır, bu küçələrdə qopan toz dumanı yerində sayır.
Azərbaycanın ən populyar kurort şəhərinin iyrənc küçələri
Qeyd edək ki, Xaçmaza su-kanalizasiya xəttini həyata keçirən tikinti təşkilatının nümayəndəsi Təbriz Rəhimov yenə vəd verdi. Onun sözlərinə görə, həmin ərazidə 56 metr ərazidə yeraltı iş görülməlidir və bununçün Gəncədən aparat gəlməlidir. Küçələrin yenilənməsinin gecikməsini obyektiv səbəblə əlaqələndirən Təbriz Rəhimov tezliklə həmin aparatın Xaçmaza gətirilib problemin həll ediləcəyini dedi.

Təki olsun. Xaçmaz sakinləri daha 6 ay gözləməyəcəklər ki, görəsən?..

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]