Bizimlə əlaqə | Reklam
BolgeXeber.Com » Xəbərlər » Hacı Qalib bu dəfə Həcc rekordunu yeniləyə bilmədi – Qurbanlıqdan qabaq Məkkədə olubmuş

Hacı Qalib bu dəfə Həcc rekordunu yeniləyə bilmədi – Qurbanlıqdan qabaq Məkkədə olubmuş

14-08-2018, 14:07
Oxunub: 3 174 Hacı Qalib bu dəfə Həcc rekordunu yeniləyə bilmədi – Qurbanlıqdan qabaq Məkkədə olubmuşArtıq azərbaycanlı zəvvarların Həcc ziyarəti başlayıb

Belə ki, bu il zəvvarlarımız Qafqaz Müsəlmanları İdarəsinin (QMİ) təşkilatçılığı ilə avqustun 11-15-i yola düşəcək, sentyabrın 1-5-i isə geri dönəcəklər. Bu il Həcc ziyarətinə gedənlərin sayında artım müşahidə edilir. Belə ki, Qafqaz Müsəlmanları İdarəsinin Həcc şöbəsinin məlumatına görə, Həcc ziyarətinə 1440 nəfər gedəcək.

Azərbaycanda nəinki 3-5, hətta, 20 dəfədən artıq Həcc ziyarətinə gedən şəxslər var. Keçmiş deputat, 28 dəfə Həcc ziyarətində olmuş keçmiş deputat Hacı Qalib Salahzadə Modern.az saytına açıqlamasında bu il artıq Həcc ziyarətində olduğunu deyib:

“Mən artıq kiçik Həcc ziyarətinə gedib gəlmişəm. Bu, Şəvval ayında reallaşdı. Yəni bu il Məkkədə olduğum üçün yenidən sənədlərimi vermədim. Bilirsiniz, mən hər il Həcc ziyarətinə gedirəm. Allah bütün həcilərin ziyarətini qəbul etsin”.

Qeyd edək ki, bu il Həcc ziyarətində xidmətlərlə bağlı dəyişikliklər edilib. Belə ki, əvvəlki illərdən fərqli olaraq bu dəfə iki növlü səfər xidməti deyil, bir növlü xidmət olacaq.

Həcc ziyarətinin xərcinə gəldikdə isə bu rəqəm ötən ildə olduğu kimi 4150 dollar olub. Azərbaycandan təkrar Həcc ziyarətinə gedəcək zəvvarlar ötən il olduğu kimi, əlavə 535 dollar ödəyib. Yaxın Şərqdə baş verən məlum münaqişələr üzündən bu ziyarət yalnız təyyarə reysləri ilə təşkil olunacaq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]