BolgeXeber.Com » Xəbərlər » Xətainin icra başçısı və qohumundan Heydər Əliyevin xatirəsinə böyük sayğısızlıq- FOTOFAKT

Xətainin icra başçısı və qohumundan Heydər Əliyevin xatirəsinə böyük sayğısızlıq- FOTOFAKT

21-08-2018, 13:17

Oxunub: 4 113

Xətai rayon Mənzil Kommunal Təsərrüfat Birliyinin həyətindən yolunuz düşsəydi, gözlərinizə inanmayacaqdınız

AFN.az xəbər verir ki, MKTB əməkdaşları tərəfindən mərhum prezident Heydər Əliyevə qarşı laqeydlik göstərilib. Belə ki, H.Əliyevin həyat yoldaşı Zərifə Əliyeva ilə olan birgə portret lövhələri yerə atılıb və plakatlar hörmətsiz şəkildə qalıb, üzərinə isə dəmirlər qoyulub. Bu fakt artıq mediaya çıxıb və dərhal MKTB rəhbərliyi hərəkətə keçib.

MKTB rəisi Əvəz İsmayılov işçiləri danlayıb, bəzilərinə töhmət verib. Fotoların mətbuata çıxmasına görə onun özünə də söz gəlib. Ə.İsmayılov Xətai RİH başçısı Razim Məmmədovun bibisi oğludur. İddialara görə, icra başçısı bibisi oğluna bu məsələyə görə irad bildirib.
Amma məsələ ondadır ki, icra başçısının qohumu faktlar mediada ictimailəşənə qədər heç bir tədbir görməyib, hər gün portretləri yerdə, dəmirlərin altında görsə də, laqeydlik göstərib.
Amma Ə.İsmayılov bir idarə rəisi kimi diqqətli və həssas olmalıydı. Qeyd edək ki, bir neçə il əvvəl Azərbaycanda tarixi şəxsiyyətlərin qorunması ilə bağlı qanunun qəbul edilməsi təklif edilirdi və onların təhqir olunmasının qarşısını almaq təşəbbüsü qaldırılmışdı.
Bu günlərdə Türkiyədə isə Atatürkü təhqir edən biri həbs edilib. Azərbaycanda bu sahədə ciddi boşluqlar olduğu yuxarıda qeyd edilən faktdan da açıq-aydın görünür.

Qarşı tərəfin mövqeyini verməyə hazırıq.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]