BolgeXeber.Com » Xəbərlər » 36 min verib ev aldı, sahibi başqası çıxdı

36 min verib ev aldı, sahibi başqası çıxdı

3-09-2018, 12:56

Oxunub: 2 173

Şikayətçi dolandırıldığını anladıqdan sonra pulunu geri almaq üçün dəfələrlə Vəli və ev sahibi Abbasla görüşsə də, nəticə əldə edə bilməyib

Bolgexeber.com xəbər verir ki, bu sözləri Günel Həşimova qafqazinfo-ya şikayətində deyib.

O bildirib ki, 2014-cü ilin oktyabr ayında Yasamal rayonunda yerləşən "Mega City" Holdinqdən ev alıb. Belə ki, G. Həşimova qonşusu, daşınmaz əmlak alqı-satqısı ilə məşğul olan Vəlidən köməklik istəyib:

"Vəli bizə Holdinqin 1-ci binasında 11-ci mərtəbədə yerləşən 73 saylı mənzilin hazırda satıldığını dedi. 36 min manat əldən ödəyərək mənzili aldıq və sənədləri mənə təqdim etdilər. Dekabrda isə təmir üçün evə qapı qoyduq. Sonra eşitdik ki, mənzilin sahibi Abbas deyil, Şükür adlı şəxsdir və bizim qoyduğumuz qapını sökdürüb".

Şikayətçi dolandırıldığını anladıqdan sonra pulunu geri almaq üçün dəfələrlə Vəli və ev sahibi Abbasla görüşsə də, nəticə əldə edə bilməyib:

"Məsələylə bağlı Yasamal Rayon Polis Şöbəsinə müraciət etmişik. Hələ də bir nəticə yoxdur. Nə pulumuzu geri ala bilirik, nə də ki evi. Hazırda iş Korrupsiyaya qarşı Mübarizə Baş İdarəsindədir".

Şikayətdə adları çəkilən Vəli və Abbasla (soyadlarını şikayətçi də bilmir. red) əlaqə saxlamağa çalışsaq da, hər iki şəxsin nömrəsinə zəng çatmayıb.

İşi araşdıran müstəntiq Asim Yusubov isə hazırda instintaq getdiyi üçün bu barədə məlumat verə bilməyəcəyini bildirib.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]