BolgeXeber.Com » Xəbərlər » Bakıda balkonlardan paltar asmaq qadağan edilir - XƏBƏRDARLIQ

Bakıda balkonlardan paltar asmaq qadağan edilir - XƏBƏRDARLIQ

25-09-2018, 15:31

Oxunub: 2 183 Bakıda balkonlardan paltar asmaq qadağan edilir - XƏBƏRDARLIQ

Nərimanov rayonu ərazisində mərkəzi küçə və prospektlərə baxan balkonlardan zivələrin yığılması davam etdirilir

Bolgexeber.com xəbər verir ki, səhər saatlarında “Nərimanov” metrosu yaxınlığında yerləşən mənzillərin sakinlərinə yol və küçədən görünən asılmış paltarları yığmaları tapşırılıb. Sakinlər bildirib ki, mənzillərə polis əməkdaşları gələrək ipdən asılmış geyimlərin yığılmasını xahiş edib. Geyimlər ipdən yığışdırılsa da, zivələrin yığılması və ya kəsilməsi ilə bağlı heç bir söz deyilməyib.

Sakinlər bildirib ki, zivələr nazirlik əməkdaşları tərəfindən ev sahibinə məlumat verildikdən sonra çıxarılır. Sakinlərə artıq uzun müddətdir ki, alternativ paltar asma qurğularından istifadə etmək məsləhət görülüb.

Bəzi sakinlər yeni qadağaya etiraz etməsələr də, paltarlarını haradan asacaqlarını bilmirlər. Əksər mənzillərdə balkonlar hörülərək evə qatıldığı üçün paltar asmaq üçün nəzərdə tutulan alternativ qurğunu qoymağa yer yoxdur.

Belə olduğu təqdirdə əksər vətəndaşlar yaş paltarlarını evdə qurutmalı olur.

Qeyd edək ki, artıq uzun müddətdir ki, Bakı Şəhər İcra Hakimiyyəti paytaxt üzrə bütün icra hakimiyyətlərinə küçə və prospektlərə açılan balkonlardan zivələrin yığışdırılması tapşırığı verib. Bu məqsədlə bütün icra orqanları sakinlərə xəbərdarlıq edərək balkonlardan zivələr yığışdırırlar.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]