BolgeXeber.Com » Xəbərlər » “Lotu Quli” barəsində deport qərarı çıxarıldı

“Lotu Quli” barəsində deport qərarı çıxarıldı

16-10-2018, 12:28

Oxunub: 4 681

Bir neçə gün əvvəl İstanbulda polis tərəfindən saxlanılan “Lotu Quli” ləqəbli azərbaycanlı qanuni oğru Nadir Səlifov hələ də azadlığa buraxılmayıb.

Bu barədə Open.az-a qanuni oğruya yaxın olan mənbə məlumat verib.

Mənbənin bildirdiyinə görə, Nadir Səlifov İstanbulda miqarantların müvəqqəti saxlanma yerində saxlanılır: “Onun barəsində deport qərarı verilib. Lakin Nadir Səlifovun Rusiya və bir neçə digər ölkə tərəfindən interpol xətti ilə axtarışa verilməsi onun Türkiyədən çıxarılmasının qarşısını alır. Hər gün yaxınlarına yaxşı olacağı, bu gün buraxılacağı vədi verilsə də hələlik Nadir Səlifov azadlığa buraxılmayıb”.

Mənbə onu da qeyd edir ki, “Lotu Quli” Azərbaycana da deportasiya edilə bilər: “Deport qərarı dəyişdirilməsə, Nadir Səlifov Azərbaycana ekstradisiya ediləcək. Çünki “Quli” həbsxanada yatdığı zaman Azərbaycan vətəndaşlığını alıb. Hazırda bu istiqamətdə işlər aparılır”.

Qeyd edək ki, Nadir Səlifov oktyabrın 9-da İstanbulda həbs edilib. O, Mütəşəkkil Cinayətkarlıqla Mübarizə Şöbəsinin həyata keçirdiyi əməliyyat nəticəsində saxlanılıb.

Türkiyə mətbuatında yayılan məlumatlara görə, N.Səlifovun telefonla Rusiyadakı iş adamlarından xərac aldığı iddia edilib.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]