Bizimlə əlaqə | Reklam
BolgeXeber.Com » Xəbərlər » Zığda istinad divarları sökülür – Təhlükə davam edir

Zığda istinad divarları sökülür – Təhlükə davam edir

20-10-2018, 16:29
Oxunub: 2 618 Zığda istinad divarları sökülür – Təhlükə davam edirBakıda son günlər aktiv sürüşmə zonaları sırasına biri də qoşulub – Zığ şossesi

Məlum olduğu kimi, bir neçə gün öncə yolun dənizə tərəf olan sağ tərəfi uçub.

“Qafqazinfo”nun əməkdaşları bu gün hadisə yerində olublar. Hazırda Xətai rayon İcra Hakimiyyətinin işçiləri uçqun olan hissədə təmizlik işləri aparır. Eyni zamanda, xüsusi texnika vasitəsilə bir hissəsi uçan, digər hissəsi qabararaq təhlükəli halda olan istinad divarları sökülür. Bunun ardınca isə Fövqəladə Hallar Nazirliyi tərəfindən təqdim edilən layihə əsasında bərkitmə-bərpa işləri aparılacaq.

Sürüşmədən sonra istinad divarının piyada keçidinə yaxın hissəsində böyük bir qabarma əmələ gəlib. İşin ilkin mərhələsində divarın həmin hissəsi söküləcək ki, uçaraq yaxınlıqdakı obyektə zərər verməsin. Daha sonra təpə hissədə baş verən uçqunun fəsadları aradan qaldırılacaq. Ardınca bütün istinad divarları söküləcək. Bərkitmə işləri də icra hakimiyyəti tərəfindən həyata keçiriləcək. Öncə sürüşmənin kənar nöqtələrinə svaylar vurulacaq, daha sonra yeni və daha möhkəm istinad divarı tikiləcək.

Bu gün səhər Fövqəladə Hallar, Ekologiya və Təbii Sərvətlər Nazirliyinin vəzifəli şəxsləri, rayon icra başısı Ramiz Məmmədov əraziyə baş çəkib görülən işlərlə tanış olublar.

Xatırladaq ki, ETSN-in mütəxəssisi Əziz Qaralov da dünən qeyd etmişdi ki, ərazidə qabarma var və bu hələ də təzyiqin davam etdiyini göstərir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]