BolgeXeber.Com » Xəbərlər » Bələdiyyə sədri həbs edildi - Azərbaycanda

Bələdiyyə sədri həbs edildi - Azərbaycanda

13-11-2018, 12:53

Oxunub: 2 882 Bələdiyyə sədri həbs edildi - Azərbaycanda

Daşqın Vəliyev barəsində həbs qətimkan tədbiri seçilib.

Göygöl rayonunun Zurnabad bələdiyyəsinin sabiq sədri Daşqın Vəliyev barəsində həbs qətimkan tədbiri seçilib.

Binəqədi rayon Məhkəməsində hakim Şeyda Məhərrəmovanın sədrliyi ilə baş tutan prosesdə istintaq orqanının təqdimatı təmin olunub.

Daşqın Vəliyevin barəsində 3 ay müddətinə həbs qətimkan tədbiri seçilib.

Qeyd edək ki, Daşqın Vəliyev öz qulluq mövqeyindən istifadə etməklə, aldatma yolu ilə zərərçəkmiş şəxslərə xeyli miqdarda dələduzluq edərək ziyan vurub.

Eyni zamanda, ona etibar edilmiş külli miqdarda bələdiyyə əmlakını mənimsəyib.

Bu faktlarla bağlı Baş prokuror yanında Korrupsiyaya qarşı Mübarizə Baş İdarəsində Daşqın Vəliyevin barəsində cinayət işi başlanıb.

İstintaq orqanı tərəfindən Daşqın Vəliyevə qarşı Cinayət Məcəlləsinin 178.2.4-cü (xeyli miqdarda ziyan vurmaqla dələduzluq törətmək), 178.2.2-ci (təkrar dələduzluq törətmək), 178.2.3-cü (külli miqdarda ziyan vurmaqla dələduzluq törətmək), 179.3.2-ci (külli miqdarda mənimsəmə və ya isrif etmə) və 309.1-ci (vəzifəli şəxs tərəfindən xidməti səlahiyyətlərinin hüdudlarından açıq-aşkar surətdə kənara çıxan hərəkətlər etməsi fiziki və ya hüquqi şəxslərin hüquqlarına və qanuni mənafelərinə, yaxud cəmiyyət və ya dövlətin qanunla qorunan mənafelərinə mühüm zərər vurma) maddələri ilə ittiham elan edilib.(teleqraf.com)

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]