BolgeXeber.Com » Xəbərlər » Ziya Məmmədovun zavodunda bülletenə çıxan rəis işindən kənarlaşdırıldı - VİDEO

Ziya Məmmədovun zavodunda bülletenə çıxan rəis işindən kənarlaşdırıldı - VİDEO

30-11-2018, 17:08
Oxunub: 1 816 Ziya Məmmədovun zavodunda bülletenə çıxan rəis işindən kənarlaşdırıldı - VİDEOSabiq nəqliyyat naziri Ziya Məmmədova məxsus "Garant Holding”in törəmə müəssisəsi olan "Fortis Group” tikinti materialları istehsal edən zavodda son bir ildə 100-ə yaxın işçi işdən çıxarılıb.

Bu barədə Unikal.og-a zavodda növbə rəisi işləyən Çərkəzov İman Şəmsəddin oğlu məlumat verib.

O, bildirib ki, hazırda çalışdığı "Fortis Group”-dən (əvvəllər "Azbentonit” MMC) qanunsuz olaraq onu işdən çıxarmaq istəyirlər:

""Fortis Group” tikinti materialları istehsal edən zavodun əsl rəhbəri Ziya Məmmədovun qardaşı İldırım Məmmədovun kürəkəni Erşad adlı cavan oğlandır. İcraçı direktor Hüseynağa Ağayev isə İldırım Məmmədovun qaynıdır.

Hazırda zavodda rəhbərliyi Ziya Məmmədovun yaxın qohumları edir. İşçilərin əksəriyyəti də qohum-əqrabasıdır. Onlara yaxın olmayan işçilər zavoddan qeyri-qanuni olaraq işdən çıxarılır".

İman Çərkəzov indi aidiyyatı dövlət qurumlarından hüquqlarının qorunması üçün kömək istəyir.