BolgeXeber.Com » Xəbərlər » Prezident İlham Əliyev İşsizlikdən sığorta fondunun gələn il üçün büdcəsini təsdiqləyib

Prezident İlham Əliyev İşsizlikdən sığorta fondunun gələn il üçün büdcəsini təsdiqləyib

22-12-2018, 11:28

Oxunub: 2 944

Azərbaycan Prezidenti İlham Əliyev "İşsizlikdən sığorta fondunun 2019-cu il büdcəsi haqqında" qanununu təsdiqləyib.

Bolgexeber.com xəbər verir ki, İşsizlikdən sığorta fondunun 2019-cu il büdcəsinin gəlirləri və xərcləri 83 451,4 min manat məbləğində təsdiq edilib.

İşsizlikdən sığorta fondunun gələn il üzrə gəlirlərinin 83 421,4 min manatı işsizlikdən sığorta haqları, qalan hissəsi sair gəlirlər hesabına formalaşacaq.

İşsizlikdən sığorta üzrə sığorta haqlarının 13 060,7 min manatı büdcədən maliyyələşən təşkilatlar, 13 060,7 min manatı büdcədən maliyyələşən təşkilatlarda işləyənlər, 57 300,0 min manatı qeyri-büdcə sektoru üzrə nəzərdə tutulub.

İşsizlikdən sığorta fondunun 2019-cu il büdcəsinin 11 mln. manatı işsizliyə görə sığorta ödənişlərinə, 1,8 mln. manatı peşə hazırlığı və əlavə təhsilin təşkilinə, 1,3 mln. manatı peşə yönümünə dair məsləhət xidmətlərinin göstərilməsinə, 150 000 manatı əmək yarmarkalarının, əmək birjalarının təşkilinə, 1,9 mln. manatı haqqı ödənilən ictimai işlərin təşkilinə, 42 041,4 min manatı özünəməşğuılluq tədbirlərinin təşkilinə, 5 mln. manatı Sığortaolunanların əməkhaqqının müəyyən hissəsinin müəyyən müddətə (3 ay, 6 ay, 9 ay, 1 il) sığortaedənlərlə birlikdə maliyyələşdirilməsinə, 1 mln. manatı peşə standarlarının hazırlanmasına, 19,260 mln. manatı Müvafiq icra hakimiyyəti orqanının müəyyən etdiyi orqanın (qurumun) aparatının və onun yerli orqanlarının, habelə müvafiq icra hakimiyyəti orqanının müəyyən etdiyi orqanın (qurumun) saxlanılması xərclərinə yönəldiləcək.

Qanuna əsasən ilin sonuna işsizlikdən sığorta fondunun istifadə olunmamış vəsaitləri növbəti ilin xərclərinin maliyyələşdirilməsinə yönəldilir.

Qeyd edək ki, qanun 2019-cu il yanvarın 1-dən qüvvəyə minəcək.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]