BolgeXeber.Com » Xəbərlər » Daha bir süpürgəçi qadını maşın vurub öldürdü

Daha bir süpürgəçi qadını maşın vurub öldürdü

22-12-2018, 13:25

Oxunub: 2 892

Yol-nəqliyyat hadisəsi nəticəsində növbəti daha bir süpürgəçi qadın dünyasını dəyişib. Hadisə Sumqayıt şəhəri ərazisində baş verib.

Bolgexeber.com sputnik.az-a istinadən xəbər verir ki, bu barədə Sumqayıtın hüquq-mühafizə orqanlarından məlumat verilib.

Bildirilib ki, insident dekabrın 21-də şəhərin Heydər Əliyev prospektində qeydə alınıb.

"VAZ-2104" markalı avtomobil küçədən keçən piyadanı - 54 yaşlı Bayramova Xeyransa Seyran qızını vurub. Qadının aldığı travma ölümcül olub və o, hadisə yerindəcə dünyasını dəyişib.

Daha sonra məlum olub ki, Bayramova Sumqayıt şəhər Mənzil Kommunal Təsərrüfat Departamentinin işçisidir. Faktla bağlı araşdırma aparılır.

Qeyd edək ki, X. Bayramova cari il ərzində Bakı və Abşeron ərazisində xidməti vəzifəsini yerinə yetirərkən həlak olan 12-ci süpürgəçidir. Bundan əvvəlki ölüm halı dekabrın 13-də "Koroğlu" metro stansiyası yaxınlığında qeydə alınıb.

Həmin vaxt 173 saylı "Daewoo" markalı avtobus 58 yaşlı süpürgəçi Əliyeva Hürü Cəlal qızını vurmuşdu. Qadını təcili 3 saylı kliniki tibbi mərkəzə aparsalar da, həkimlərin bütün cəhdlərinə baxmayaraq, onun həyatını xilas etmək mümkün olmamışdı.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]