BolgeXeber.Com » Xəbərlər » Arvadının sosial şəbəkədə başqa kişi ilə danışdığını bildi və... - Məhkəmə işi

Arvadının sosial şəbəkədə başqa kişi ilə danışdığını bildi və... - Məhkəmə işi

26-12-2018, 15:06

Oxunub: 2 646 Arvadının sosial şəbəkədə başqa kişi ilə danışdığını bildi və... - Məhkəmə işi

Bakıda arvadını qısqanclıq zəminində öldürməkdə təqsirli bilinən 1993-cü il təvəllüdlü Elvin Arzu oğlu Qəhrəmanlının apellyasiya şikayəti üzrə məhkəmə prosesi başa çatıb.

AzNews.az-ın məlumatına görə, Bakı Apellyasiya Məhkəməsində hakim Mirzəli Abbasovun sədrliyi ilə keçirilən prosesdə qərar elan edilib.

Hakimlər kolelgiyasının qərarına əsasən Elvin Qəhrəmanlının şikayət təmin olunmayıb.

Qeyd edək ki, bu il yanvarın 22-də Qaradağ rayonu, Lökbatan qəsəbəsində Cəlilabad rayon sakini Elvin Qəhrəmanlı həyat yoldaşı Günel Qəhrəmanlını boğaraq öldürüb.

Müəyyən edilib ki, qətl hadisəsi qısqanclıq zəminində törədilib.

Günelin başqa bir kişi ilə sosial şəbəkədə danışdığını öyrənən Elvin Qəhrəmanlı onunla mübahisə edib. Ər-arvad arasında mübahisə sonda cinayətlə nəticələnib.

Hadisədən sonra 10-cu polis bölməsi əməkdaşlarının keçirdiyi əməliyyat nəticəsində cinayəti törədən Elvin Qəhrəmanlı həbs edilib.

İstintaq orqanı tərəfindən Elvin Qəhrəmanlının barəsində Cinayət Məcəlləsinin 120.1-ci (qəsdən adam öldürmə) maddəsi ilə ittiham elan edilib.

Məlum olub ki, Elvin Qəhrəmanlının qətlə yetirdiyi arvadından iki övladı var.

Bakı Ağır Cinayətlər Məhkəməsinin hökmü ilə Elvin Qəhrəmanlı 10 il 6 ay müddətinə azadlıqdan məhrum edilib.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]