BolgeXeber.Com » Xəbərlər » Qubada ərlə arvadın intiharının təfərrüatı məlum oldu

Qubada ərlə arvadın intiharının təfərrüatı məlum oldu

4-01-2019, 12:36

Oxunub: 2 834

Ötən gün Qubada ərlə arvadın intihar etməsi ilə bağlı xəbərlər yayılıb

Belə ki, ötən il dekabrın 29-da intihar edən Susayqışlaq kənd sakini Səməd Bədirxanovdan beş gün sonra həyat yoldaşı Bədirxanova Ceyran Kamal qızı da canına qəsd edib. O, özünü yaşadığı evin həyətindəki tövlədən asıb.

Bolgexeber.com xəbər verir ki, məsələnin təfərrüatı ilə bağlı Open.az-a danışan kənd sakinləri bildirib ki, ailə ziyalı ailədir.

Sakinlərin sözlərinə görə, Səməd Bədirxanov içki aludəçisi olub:

“İçki içməyinə baxmayaraq, çox yaxşı insan idi. Qardaşı uzun illər bələdiyyə sədri olub. Hörmətli ailədirlər. Lakin Səməd müəllim içəndən sonra şizofren vəziyyətində etdiklərinə nəzarət edə bilmirdi.

Bəzən içib başqa yerlərdə yatıb qalırdı, gedib evinə gətirirdilər. Həmin vəziyyətdə ağzının danışığını da bilmirdi. Amma kiməsə söz atsın, ailəsinə və ya başqalarına qarşı şiddət göstərsin, belə şeyləri yox idi. Elə hadisə baş verən günü də içkili olub. Evdəkilər onu intihar edəndən sonra görüblər.

Niyə edib, hansı vəziyyətdə edib məlum deyil. Həyat yoldaşı da ondan beş gün sonra intihar edib. Səbəblərini prokurorluq araşdırır. Meyiti ekspertiza ediblər. Xəbərlərdə ailənin problemlərinin olduğunu deyiblər. Əslində, ailənin heç bir sosial problemi olmayıb. Dolanışıqları yaxşı olub”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]