BolgeXeber.Com » Xəbərlər » Hacıqabul rayon Heydər Əliyev Mərkəzində fəaliyyət göstərən kursları bitirənlərə vəsiqələr təqdim olundu

Hacıqabul rayon Heydər Əliyev Mərkəzində fəaliyyət göstərən kursları bitirənlərə vəsiqələr təqdim olundu

25-01-2019, 21:17

Oxunub: 2 147

25.01.2019-cu il tarixində Hacıqabul rayon Heydər Əliyev Mərkəzində fəaliyyət göstərən Rəsm, Xalça kurslarını bitirənlərin vəsiqələrinin təqdimatı keçirildi

Tədbirdə Mədəniyyət işçiləri, kurs üzvləri, kurs müəllimləri və valideyinlər iştirak etdilər. Əvvəlcə Mərkəzin direktoru Aytən Zülfəliyeva çıxış edərək bildirdi ki, Hacıqabul rayon Heydər Əliyev Mərkəzində 2014-cü ildən kurslar fəaliyyət göstərir. Artıq bu gün beşinci buraxılış-Vəsiqələrin təqdimatı keçirilir. Hər il buraxılışdan sonra yanvar ayından kurslara yeni qəbul başlanır. Uşaqların bu kurslarda əl qabiliyyətlərinin inkişaf etdirilməsi ilə yanaşı, həmçini, Mərkəzdə keçirilən bütün tədbirlərdə iştirak etmələri onların Heydər Əliyev ideyaları ilə inkişaf etmələrinə kömək edir. Uşaqların asudə vaxtları səmərəli keçir, rayonda, rayondan kənarda keçirilən müxtəlif sərgilərdə, müsabiqələrdə iştirak edirlər, dünya görüşləri artır. Sonra Mərkəzin bələdçisi Aytən Mustafazadə və elmi işçisi Xanım Ağayeva çıxış edərək, kursu bitirənləri təbrik etdilər və Mərkəzdə açılacaq yeni kurslar barədə geniş məlumat verdilər və qeyd etdilər ki, artıq yeni kurslarla bağlı məktəblərə elanlar paylanıb, Hacıqabul qəzetində və facebook səhifəmizdə məlumat yerləşdirilib. Çıxışlardan sonra kurs üzvlərinin əl işlərindən ibarət sərgiyə tamaşa edildi və xatirə şəkili çəkdirildi.

Aytən Zülfəliyeva,Hacıqabul rayon Heydər Əliyev Mərkəzinin direktoru

Çox Oxunanlar