Bizimlə əlaqə | Reklam
BolgeXeber.Com » Xəbərlər » *8555 taksi şirkətindən özbaşınalıq: “Pul verməsən…” (İddia)

*8555 taksi şirkətindən özbaşınalıq: “Pul verməsən…” (İddia)

29-01-2019, 12:14
Oxunub: 3 127 *8555 taksi şirkətindən özbaşınalıq: “Pul verməsən…” (İddia)Taksi şirkətinin sürücülərdən haqq tələb etdiyi iddia edilir.

Söhbət *8555 (Ailə taksi) taksi şirkətindən gedir və bir qrup sürücü minval.info-nun redaksiyasına bununla əlaqədar müraciət edib.

Onların sözlərinə görə, sürücülər müqavilə əsasında “Ailə taksi”yə ödədikləri faizdən əlavə “plan” vermək məcburiyyətindədirlər.

Qeyd edək ki, müqaviləyə əsasən, hər bir sürücü taksi şirkətindən müxtəlif növdə balans paketi alır. Bununla məsafəyə uyğun olaraq həmin balansdan məbləğ çıxılır. Lakin *8555 balans paketindən əlavə sürücülərdən həftəlik və ya aylıq haqq tələb edir. Onlar tələbə uyğun işləmək istəmədikdə balans paketləri bitmədiyi halda belə şirkət sürücülərə müştəri vermir.

İddiaya görə, *8555-lə işləyən taksi sürücüləri şirkətə əlavə həftəlik 100 manat, aylıq isə 300 manat ödəməlidir.

Məsələ ilə bağlı “Ailə taksi” şirkəti ilə əlaqə saxladıq. Zəngimizə cavab verən şəxs şikayətin nədən ibarət olduğunu dinlədikdən sonra saytımıza bildirdi ki, bizim əməkdaş baş ofisə yaxınlaşmalıdır. Bunun yanlış olduğunu izah etməyə çalışsaq və yuxarıda qeyd edilən iddia ilə əlaqədar münasibət almaq istəsək də cəhdlərimiz boşa çıxdı.

Bakı Nəqliyyat Agentliyindən minval.info-ya bildirildi ki, sürücülərin ittihamı ilə bağlı araşdırılma aparılacaq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]