BolgeXeber.Com » Xəbərlər » Bu həftə geomaqnit qasırğası olacaq

Bu həftə geomaqnit qasırğası olacaq

4-02-2019, 17:35

Oxunub: 2 765

Fevralın 7-8-də güclü geomaqnit həyəcanlaşması müşahidə olunacaq.

Bolgexeber.com xəbər verir ki, bunu AMEA-nın Şamaxı Astrofizika Rəsədxanasının elmi işlər üzrə direktor müavini Elçin Babayev deyib.

Onun sözlərinə görə, hazırda Günəşin görünən diskində heç bir Günəş ləkəsi müşahidə olunmur və gündüz ulduzu olan Günəş alışmaları generasiya etməyə qadir deyil: "Günəşin səthində orta ölçüyə malik növbəti tac dəliyi formalaşıb. Tac dəliyindən yüksək sürətli Günəş küləyi (yüklü zərrəciklərdən ibarət plazma) öz başlanğıcını götürərək planetlərarası fəzaya, o cümlədən Yerə doğru yönəlmiş olur".

E.Babayev qeyd edib ki, tac dəliyindən “əsən” Günəş plazma küləyinin təsirlərinin fevralın 7-8-də Yerə çatması gözlənilir: "Həmin plazma küləyi Yer maqnetosferində həyəcanlaşma yaradacaq və nəticədə hətta zəif səviyyəli geomaqnit qasırğasının baş verəcəyi də gözlənilir. Sonuncu güclü həyəcanlaşma və qısamüddətli qasırğa fevral ayının əvvəlində baş vermişdi. Planetlərarası maqnit sahəsinin Z komponentinin istiqaməti cənubu göstərərsə, Fevralın 7-8-də müşahidə olunacaq geomaqnit həyəcanlaşması daha da güclü olacaq. Bu gün üçün geomaqnit həyəcanlaşmasını xarakterizə edən əsas Kp indeksinin qiyməti 1-3 arasında dəyişir. Ehtimal olunur ki, fevralın 7-9-da bu qiymət qalxacaq. Hazırda atmosfer təzyiqi normadan yüksəkdir".

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]