Bizimlə əlaqə | Reklam
BolgeXeber.Com » Xəbərlər » İş adamına qarşı dələduzluq edən hüquqşünas məhkəmə zalında həbs edilib

İş adamına qarşı dələduzluq edən hüquqşünas məhkəmə zalında həbs edilib

7-02-2019, 11:52
Oxunub: 2 579 İş adamına qarşı dələduzluq edən hüquqşünas məhkəmə zalında həbs edilibBakı Ağır Cinayətlər Məhkəməsində dələduzluqda təqsirləndirilən Raşad Novruzovun cinayət işi üzrə məhkəmə iclası başa çatıb.

"Report"un xəbərinə görə, hakim Samir Əliyevin sədrliyi ilə keçirilən prosesdə hökm oxunub.

Məhkəmənin hökmü ilə o, 6 il müddətinə azadlıqdan məhrum edilib. R.Novruzovun barəsində seçilmiş ev dustaqlığı qətimkan tədbiri həbs qətimkan tədbiri ilə əvəzlənib və o, məhkəmə zalında həbs olunub.

İttiham aktına əsasən, R.Novruzov İ.Bağırova qarşı 116 min manatlıq dələduzluq edib. İxtisasca hüquqşünas olan R.Novruzov zərərçəkmişdən həmin məbləği lombard açmaq adı ilə alıb. O, lombardı açandan sonra bir müddət işlədib, daha sonra İ.Bağırovun 116 min manat pulunu dələduzluq yolu ilə ələ keçirib.

Zərərçəkmişin şikayəti əsasında saxlanılan R.Novruzov barəsində Cinayət Məcəlləsinin 178.3.2-ci (külli miqdarda dələduzluq) maddəsi ilə ittiham irəli sürülüb.

İstintaq dövründə onun barəsində ev dustaqlığı qətimkan tədbiri seçilib.

Xatırladaq ki, R.Novruzov əvvəllər də məhkumluq həyatı yaşayıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]