Bizimlə əlaqə | Reklam
BolgeXeber.Com » Xəbərlər » Beynəlxalq Bankın qadın əməkdaşı ilə bağlı məhkəmə qərar verdi

Beynəlxalq Bankın qadın əməkdaşı ilə bağlı məhkəmə qərar verdi

26-02-2019, 13:14
Oxunub: 2 412 Beynəlxalq Bankın qadın əməkdaşı ilə bağlı məhkəmə qərar verdiDələduzluq maddəsi ilə bəraət alan Beynəlxalq Bankın qadın əməkdaşı yenidən hakim qarşısına çıxarılıb.

AzNews.az-ın məlumatına görə, Səmədova Kifayət Tarix qızının bəraət hökmü ilə razılaşmayan dövlət ittihamçısı Ali Məhkəməyə apellyasiya protesti verib. Bu gün Ali Məhkəmədə hakim Hafiz Nəsibovun sədrliyi ilə K.Səmədovanın məhkəməsi keçirilib və apellyasiya məhkəməsinin hökmü qüvvədə saxlanılıb.

Xatırladaq ki, ötən ilin fevral ayında Bakı Ağır Cinayətlər Məhkəməsində Beynəlxalq Bankın Şamaxı filialının direktoru, mənimsəmədə təqsirləndirilən Əlisultan Məmmədovun və bankın daha 3 əməkdaşına hökm oxunub.

Hakim Ramella Allahverdiyevanın icraatında olan prosesdə məhkəmə kollegiyasının hökmü ilə Əlisultan Məmmədov 7 il müddətinə azadlıqdan məhrum edilib. İstintaq dövründə sərbəst buraxıldığı üçün məhkəmə zalında həbs edilib. Bankın əməkdaşları Ramin Səməndərov, Kifayət Səmədova və Hacalı Cavadova şərti cəza verilib.

Qeyd edək ki, Ə.Məmmədov başqa şəxslərin adına kredit götürüb mənimsəməkdə ittiham edilir.

Bundan sonra apellyasiya şikayəti verən Kifayət Səmədova məhkəmənin hökmü ilə bəraət alıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]