Bizimlə əlaqə | Reklam
BolgeXeber.Com » Xəbərlər » Əbülfəs Qarayev ifaçı Afət Fərmanqızının Nəsiminin qəzəlinə mahnı oxumasına münasibət bildirib

Əbülfəs Qarayev ifaçı Afət Fərmanqızının Nəsiminin qəzəlinə mahnı oxumasına münasibət bildirib

5-03-2019, 16:26
Oxunub: 2 840 Əbülfəs Qarayev ifaçı Afət Fərmanqızının Nəsiminin qəzəlinə mahnı oxumasına münasibət bildiribMədəniyyət naziri Əbülfəs Qarayev ifaçı Afət Fərmanqızının Azərbaycan böyük şairi İmaməddin Nəsiminin qəzəlinə mahnı oxumasına münasibət bildirib.

"Report" xəbər verir ki, nazir yaradıcı şəxslərə belə məsələlərə həssaslıqla yanaşmağı tövsiyyə edib.

O bildirib ki, nüfuzlu insanların, ədiblərin yaratdığı dahi əsərlərin müasir tərzdə təqdim olunmasında maraqlıdırlar, amma bu zaman keyfiyyətə ciddi nəzarət olmalıdır: "Hər bir insanın yaradıcılıq qabiliyyəti onun dünyagörüşündən, ifasından və əsəri təsvir etməsindən bilinir. Elə əsərlər olur uğurlu alınır, bəziləri isə əksinə olur. Uğursuz olanda cəmiyyət tərəfindən ciddi tənqidə məruz qalır. Ölkəmizin böyük tarixi, ədəbi, incəsənətlə bağlı olan mirası var. Bunun müasir şəkildə yeni formalarda təbliğinə maraqlıyıq. Amma yaradıcı insanlar bu işdə ciddi, məsuliyyətli olmalıdırlar".

Ə.Qarayev qeyd edib ki, televiziyalarda Bədii şuraların yaradılmasında maraqlıdırlar: "Heç olmasa bu işlərdə çərçivə müəyyən edilsin və ictimai nəzarət olsun. Çünki, Azərbaycan televiziyalarında senzura yoxdur, biz qadağa qoya bilmərik. Mən rəsmi məktub yaza bilərəm ki, bu kimi nümunələrin yayılmasına nəzarət etsinlər. Amma sosial şəbəkələrə necə qadağa qoymaq olar. Yenə də deyirəm bu birbaşa insanların daxili mədəniyyətindən asılıdır".

Nazir böyük şair İmaməddin Nəsiminin məzarının Suriyanın Hələb şəhərindən Azərbaycana gətirilməsi ilə bağlı təkliflərə də münasibət bildirib: "Nəsiminin məzarınım yerləşdiyi yer müqəddəs hesab olunur. Biz vaxtı ilə həmin məzarın yenidən qurulması üçün müzakirələr aparmışdıq. Lakin oradakı toqquşmalar bu layihənin gerçəkləşməsinə imkan vermədi. Onun varisləri ilə ünsiyyəti hər zaman davam etdiririk".
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]